Toutmoun té konnèt PSE chantè mé avan i té gwan chantè, i té ka mannyé tanbou-ka-la é batri-la rèd. Gadé sa é kouté son a ka-la!

PSE ka maké asi on menndé. Adan sé boulayen-la,

zò ka woukonnèt François Ladrezeau é Armand Archeron.

 PSE ka maké asi on toumblak (a lanvè???!!)

Yè pannan gwadloupéyen té ka chonjé gwan awtis an-nou Patrick Saint-Eloi (PSE), mwen an té ka chonjé on dòt gwan nonm osi. On nonm an ka konsidéré, onlo moun ka konsidéré kon pli gwan gitaris latè poko pòté. An pé di zòt, ja ni lontan, lè prémyé fwa an té tann li, an di-mwen sé on gwan, gwan, gwan menm! Non a-y Jimmy Hendrix, on nèg mériken ki fèt on jou 27 novanm 1942 é ki malérèzman lésé nou 18 sèktanm 1970.

"Voodoo Child" (ti-moun Vodou), son tout fanatik a-y konnèt asi latè.

Pou zò kouté-y byen, lésé bann-la défilé.

Misyé té an avans si tan a-y!

Mouvman kiltirèl "Mas a Wobè"  kay bay on léwòz owa bik a-y Fouyòl oswè-la owa sétè. Tout moun Gwadloup envité!

E an menm balan-la, gwoka "Fèstival" Sentann ka démaré dèmen sanmdi pou'y bout jou 14 juiyé.

Félix Cotellon èvè asosyasyon "Rèpriz" ola i prézidan ni lentansyon pòté gwoka-la linèsko pou fè mizik an-nou vin on "patrimoine immatériel de l"humanité" kon yo ka di an fwansé.

Si zò kouté-y yè aprémidi-la, zò dwèt apwann déotwa biten entérésan asi lang kréyòl an-nou. Pa obliyé misyé Benzo sé on mèt a mannyòk pou apwann moun li é maké lang a péyi Gwadloup.

Si zò pa kouté-y, zò pèd fil a-zòt!

Nou ka toujou chonjé yo!

1é jen 2009 misyé Jòj Troupé a gwoup Kimbòl té ka lagé nou, i té ni 68 lanné. I té kay jwenn on gwan mèt tanbouyé i té ba atilyé a-y non a-y, Marcel Lolia, moun té ka kriyé Vélo. Vélo mò on jou 5 jen 1984, i té ni 56 lanné. Simenn-lasa pèp Gwadloup kay rann on omaj ba sé dé gwan nonm-lasa.

Dayè ban fè zòt kouté bon son ki té fèt pannan véyé a misyé Jòj Troupé an vil Sentann.

 Gita-la : misyé Chistian Laviso

Tanbou Ka-la : misyé Aldo Middleton

Batri-la : misyé Sony Troupé, gason a dèfen Jòj