-
-
-
Par SHAKA (Gwakafwika) le 26 Juillet 2013 à 20:10
Lèsprikason 2013 ka sanblé moun a mas an péyi-la an vil Lapwent. Vandrèdi, sanmdi é dilmanch, sé èspozisyon a kòstim a mas an paviyon-la owa Plas Laviktwa. Asi Plas Laviktwa menm sé osi èspozisyon a tanbou a Mas, gwoka é bèlè. Sé animasyon èvè son a ka-la adan kyòs-la. Sanmdi oswè, sé konsè èvè gwoup kon Akiyo, Mas Ka klé, Mi yo é konsò. Dimanch koté katrè, sé gwan déboulé an lari Lapwent.
Adan tout sé gwoup-la ké a lendikatif prézan, nou ké ni on gwoup ki sòti an vant a bèt-la, non a-y MI YO é nou kay ni osi on gwoup Matnik San Chenn. Matnik? Wi, sé padavwa nou ni gwadloupéyen ki ni swa manman-yo oben Papa-yo ki moun Matnik. Alò sé gwadloupéyen èvè matiniké ki kréyé gwoup-lasa. Son a mas-la, lèspri a mas-la ka chayé moun toupatou, an di zòt!
votre commentaire -
Par SHAKA (Gwakafwika) le 29 Mai 2013 à 00:48
Omoman ola nou ka chonjé lézansèt, kouté bèl mòso a pil fè-la, misyé Pierre Akedendengue ola i ka chanté lyannaj a Lafwik èvè dyaspora a-y. Kouté sa kanmarad é pa di mwen zò pa anvi dansé apré sa!
Awana, awana!
Oh Afrika !
3 commentaires -
Par SHAKA (Gwakafwika) le 2 Mai 2013 à 14:28
Napoléon Magloire, yo té ka kriyé NAPO, gwan
chantè bèlè* é bigin, lagé nou. I té ni 93 lanné.
Napo èvè misyé Anzala, pannan fèstival gwoka Sentann an 1993
Lalorèn
Ban mwen-y kan menm
Napo toujou adan fèstival gwoka sentann an 1993.
* Fò pa zò konfonn bèlè Gwadloup èvè bèlè Matnik. Bèlè an péyi Gwadloup sé on jan nou ka chanté gwoka-la. Bèlè Matnik sé mizik tradisyonèl yo ka jwé an péyi-lasa. Dayè tanbou gwoka é tanbou bèlè sé dé tanbou diféran.
votre commentaire
Suivre le flux RSS des articles de cette rubrique
Suivre le flux RSS des commentaires de cette rubrique