Grandè a tè Gwadloup : 1 628 km2

Grandè a lanmè Gwadloup : 90 000 km2

Grandè total : 91 628 km2

91 628 km2 kanmarad! Fò pa jen obliyé lanmè-la!

Jòdi 6 out 2012 kay fè 50 lanné péyi Jamayik trapé lendépandans a-y. 50 lanné kanmarad!

TRINIDAD AND TOBAGO

Grandè : 5 128 km2

Moun a-y : 1 229 953

Kapital : Port of Spain

I endépandan dèpi jou 31 out 1962

Òganizasyon a-y : Répiblik

Prézidan a-y : George Maxwell Richard

Prèmyé minis a-y : Kamla Persad-Bissessar

Lang a-y : Anglé, kréyòl

Lajan a-y : Dola trinidadyen

Chanté nasyonal a-y : Forged from The Love Of Liberty

Kouté aprézan imn nasyonal a péyi-la :

 Ah wè! lè ou ni on imn ki ta-w, sa bèl menm!

Lè nou ka palé lendépandans ba moun ki anba gyouk a kolonyalis fwansé kon gwadloupéyen, matiniké oben giyané, yo ka réponn yo pa bizwen vin kon Ayiti. Konsidiré Ayiti té ké sèl péyi endépndan andidan Karayib-la. Nou sav ki jan listwa a Ayiti fèt é poukisa i vini kon sa. Sé moun-la ka ba-w enki mové èkzanp-la mé yo pa ka jen ba-w bon-la ; kivédi Bawbad. 30 novanm 1966 - 30 novanm 2010, kay fè 44 lanné Bawbad ka viv lendépandans a-y é an pé di zòt i ka viv li byen menm!

                                       BAWBAD

Grandè : 430 km2

Konmen moun? : 281 968

Kapital-la : Bridgetown

Lang : Anglé

Lajan : Dola Bawbadyen

Chanté nasyonal : In Plenty and in Time of Need

Léta : Monawchi Parlèmantè

Chèf déta : Rèn Elisabeth II a Langlètè

Gouvènè : Clifford Husbands

Prèmyé minis : Freundel Stuart

Endis a dévòplan a moun (IDH an fwansé) : 37èm asi 182 péyi.

On siklòn ka chwazi on péyi

endépandan avan i pasé?

Konm an toujou ka di, fò nou toujou jété on zyé aka lèlmi é sé kon sa aprémidi-la, an ka li adan jounal "Fwansmanti", Gwadloup, Matnik é Giyàn pòté soukou ba on péyi endépandan apré on siklòn té pasé asi-y. Kivédi lè ou ka li jounal-lasa, yo ka di an réyalité fò pa nou vin endépandan!  Sé pawòl kouyon mésyé, Sentlisi endépandan é poutan i ka wousivwè soukou a dòt péyi! Moun dwèt ka obliyé Igo an 1989! Chonjé dé mwa apré i té pasé watibwazé Gwadloup, pèp-la té ka manjé zowanj ki sòti...Domnik! Domnik, a pa on péyi endépandan? E an pa'a menm palé péyi Etazini ki té wousivwè soukou a onlo péyi asi latè apré siklòn Katrina an 2004!

Ankò on fwa, pawòl kouyon ki maké an jounal-la padavwa on siklòn pa ka chwazi on péyi avan i pasé! Ki péyi-lasa endépandan, ki péyi-lasa anba gyouk, sé watibwazé i ké watibwazé-y!

* Jounalis-lasa ki ka woulé adan "Fwansmanti", zò tout konnèt non a-y! Sé on kalté blan-fwans ka woulé ba Lirèl!