-
Par SHAKA (Gwakafwika) le 10 Novembre 2010 à 18:48
"Chat ka tété rat, rat ka tété chat anba kouch an-mwen". Wobè Loyson ki lésé nou on lanné 1989, on mwa avan siklòn Igo té watibwazé péyi Gwadloup. On pawolyé pèp Gwadloup té dwèt kouté pou yo konpwann pwoblèm a péyi-la. Pa jen obliyé lèlmi li i pa ka dòmi!
Chan : Wobè Loyson
Boula : Awtèm Boisban
Makè : Vélo
1 commentaire -
Par SHAKA (Gwakafwika) le 5 Novembre 2010 à 00:19
Pou nou chonjé konba a LKP pou jénès an-nou é pou nou chonjé osi on gwan awtis jamayiken ki lésé nou on jou 11 sèktanm 1987. An ka voyé ba zòt on vidéo-son ola Peter Tosh èvè gwoup a-y "The Wailers" ka chanté "You can't blame the youth".
You can't blame the youth
(Ou pé pa blanmé on jenn)
You can't fool the youth
(Ou pé pa kouyonné on jenn)
1 commentaire -
Par SHAKA (Gwakafwika) le 20 Octobre 2010 à 21:18
P.S.E. (1958 - 2010)
PSE, Patrick Saint-Eloi té ké ni jòdi-la jou 20 òktob 2010, 52 lanné! Malérèzman ba toutmoun ki té enmé-y, PSE lagé nou on jou 18 sèktanm 2010 (40 lanné apré Jimmy Hendirx). E wi, maladi pa ka jwé! Pou nou chonjé gwan nonm-lasa, yonn adan sé gwan mèt a mannyòk a gwoup "Kasav", an ka fè zòt gadé é kouté on vidéo èvè pawòl a-y, non a-y "Réhabilitasyon". PSE ki pa jen obliyé koté'y sòti!
Toutmoun-la ka di olokòs
Sé on krim kont limanité
Tout juif mété-yo tèt ansanm
Pou alé plédé kòz a-yo
Tribinal entèwnasyonal
Etidyé èstati Nirenbèw
Lo.N.U. fè gwan asanblé
Si yo li sé abilité
Ka nou ka fè?
Mi lòd établi ka pasé
Pasé lèsklavaj sou silans
Nèg sibi lémenm préjidis
Ka mandé réhabilité
Èskè ni dé pwa dé mèzi
On jistis a dé vitès
Lèsklavaj pasé sou silans
Sé on krim kont limanité
Ka nou ka fè?
Nou mandé
(Réhabilitasyon)
Nou mandé
(Réhabilitasyon)
Nou mandé
(Réhabilitasyon)
Lajistis nou kay sézi
(Woupwan-y dé fwa)
Sé on kri ka sòti lwen
Sé on kri ki ka sòti adan zantray an-nou
San koulé oooh
Sa fè nou mal oooh
Men jòdi lè a pléré fini
Sé on kri ka sòti lwen
Sé on kri ki ka sòti an fenfon Afwika
San an-nou oooh
Ou ozé vann la oooh!
Fò jòdi rékòlt-la sé tan-nou
Sé dépòwtasyon komandé
Lwa dè vi dè mò asi nou
Yonn dé tòrtuw sistématik
Mi sa ki pasé mézanmi
Mi lòd établi pa dakò
Dakò nou plédé kòz an-nou
Sé kè yo ka konsidéré
Kè nou nèg nou pa moun toujou
Ka nou ka fè?
Nou mandé
(Réhabilitasyon)
Nou mandé
(Réhabilitasyon)
Nou mandé
(Réhabilitasyon)
Lajistis nou kay sézi
(Woupwan-y dé fwa)
Anba chenn-la
Anba chenn a bato-la
Anba chenn-la (maré)
Anba kal a bato-la
(Woupwan-y dé fwa)
Anba chenn-la
Anba chenn a bato-la
Anba chenn-la (maré)
Anba kal a bato-la
Nou mandé
(Réhabilitasyon)
Nou mandé
(Réhabilitasyon)
Nou mandé
(Réhabilitasyon)
Lajistis nou kay sézi
(Woupwan-y dé fwa)
Nou mandé yonn moniman
Yonn moniman woy
Yonn moniman "à la hauteur du crime commis"
Nou mandé yonn moniman
Yonn moniman woy
Nou mandé réhabilitasyon
Nou mandé
(Réhabilitasyon)
Nou mandé
(Réhabilitasyon)
Nou mandé
(réhabilitasyon)
Lajistis nou kay sézi
(Woupwan-y dé fwa)
Lajistis nou kay sézi
Lajistis nou kay sézi
(Diks - Lovtans (2002))
3 commentaires
Suivre le flux RSS des articles de cette rubrique
Suivre le flux RSS des commentaires de cette rubrique