Sété on jou 15 jen 1978 ola ansanm a sé délégasyon afwiken-la ki adan LONI té ba honorab Wobè Nèsta Marley méday a lapé an vil New-York (Etazini). Sé sénagalè misyé Mohammadou Johnny Seka zò ka vwè an vidéo-la ki woumèt li méday-lasa. Adan konférans dè près-la, Bob natirèlman ka palé dè Rastafari é i ka di osi révolisyon a-y a pa èvè zarm i ka fè-y mé i ka èsvi èvè mizik a-y!  Ni on bèl pawòl Bob di :" We don't make gun..." Wi mésyé, nou pa ka fè zarm é malérèzman nèg ka achté zarm an men a blan pou yo ay kyouyé pwòp fwè nèg a-yo!

Aprémidi-la on jenn a péyi-la ki sé ti-moun an-nou, pèd vi a-y lari Lapwent. An kay komansé rann on omaj osèryé ba on gwan nonm ki toujou té ka pwotéjé ti-moun asi latè davwa nonsèlman ti-moun sé divini a on péyi mé sé osi divini a limanité. Non a gwan misyé-lasa, Robert Nesta Marley oben ankò Bérhané Sélassié ni 30 lanné i kité nou! Bob té ka asosyé ti-moun adan onlo konpozisyon a-y!

JAH LIVE! On son i té fè apré mò a Haile Selassie ola i té ka réponn moun Jah ka touné an zozyo, an gwan moun, an ti-moun, adan tout kalté biten mé i pa ka mò! Sa sé kwayandiz a rasta!

On konsèr ki té fèt pou "One Love Peace Concert" adan èstad foutbòl Kingston an 1978. An tan-lasa bann konbòch* té ka kouyé-yo kon tilili Jamayik!

* rival

Ès zò sav Nijérya sé dézyèm péyi ka fè plis film asi latè apré Lézétazini é douvan Lend? Wi sè é fwè an-mwen, pa konpwann an Afwik sé enki lagè, diktati é maladi, sé on koté ola ou ka touvé péyi ka fè chimen a-yo. An Nijérya, sé moun-la pa ka é pa vlé fè film kon yo ka fè film Lòksidan. Film a-yo ka rakonté listwa, mès é labitid a péyi-la.

                                              AKIYO (1980)                     50/50 (1984)

                                            Point d'interrogation  (1990)

                                                        Klé-la (1994)

                                Mas Ka Klé (1999)                       Mas a Wobè (2001)

                                                             Anbout Ay (2006)  Mas An Nou (2006)

Sa sé on èkzanp a on pyébwa a jénérasyon a mas asi Lapwent. Akiyo sé gwan papa-la ki fè apré pitit. Zò ni non a sé gwoup-la èvè lanné a kréyasyon a-yo!

Mi osi déboulé a Akiyo, Mas a Wobè é Anbout Ay pou zò tann a pa menm mizik-la. Tou sa ka fè richès a mizik a mas an-nou.

Bon mas kanmarad!

 Akiyo, Lapwent jou 02 janvyé 2011

Mas a Wobè jou 19 févriyé 2007

 Anbout Ay, on jou 29 janvyé 2009.

* Èskizé si sé son-la pa klè mé an pé di zòt lè zò ka tann yo an "live", i ka désann byen toubòlman!                    

6 févriyé 1945, pli gwan awtis péyi Jamayik janmen pòté té ka parèt jou-lasa. Sété on koté yo ka kriyé St-Ann's Bay, non a-y Nesta Robert Marley, Bob Marley moun ka kriyé osi Berhane Selassie. Dimanch ka vini la, onlo moun asi latè kay chonjé 66èm lannivèsè a gwan nonm-lasa é péyi an-nou Gwadloup pé ké a koté. Asosayasyon CORECA é Marcel Magnat gwan tanbouyé douvan lézansèt an ka saliyé ké chonjé misyé Bob jou-lasa. Alò pou fè zòt kontinyé chonjé-y rété kouté, gadé, tann pou konpwann misyé Bob Marley adan "Redemption Song". On son ka rakonté vi a-y, kondisyon é divini a nèg asi latè!