• Accueil

    On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
  • On nouvo mas vin parèt an vil Lapwent. Non a-y "Radikal Mas". E pou prèmyé sòti a-y i rivé lari Lapwent èvè ...drapo a nasyon Gwadloup.

    Moun alantou an-mwen ja komansé di sé on gwoup a endépendantis. Sa ka fè mwen chonjé menm pawòl yo té sòti pou "Akiyo" ja ni lontan.

    Mé kon an toujou ka di zòt, on drapo i dabò pou yonn kiltirèl. Sé vré drapo-lasa sé osi drapo a on pati politik mé an ka kwè sa ka fè lanné moun asi latè ka rèkonnèt li kon drapo a nasyon Gwadloup.

    Pa kont, dimanch pasé, yo pa sòti èvè-y mé yo toujou ka sòti èvè koulè a nasyon an-nou. Dayè zò ké vwè-y adan sé vidéo-la an ka voyé ba zòt la.

     

     Dimach 8 janvyé an lari Lapwent



     Dimanch 8 janvyé an lari Lapwent.

    Dimanch 15 janvyé an lari Lapwent


    votre commentaire
  • http://mayotte.la1ere.fr/infos/actualites/IMG/jpg/Mayotte_greve.jpgGrèv sispann Mayòt mé moun po'o signé pon mòso papyé èvè lèpatrona é léta fwansé. Sa entèsendikal-la ka mandé sé on dòt kalté modèl ékonomik an péyi-la. E la, ké ni donmbwé padavwa gadé nou an Gwadloup, apré 65 lanné nou départèman fwansé, pon modèl ékonomik ja chanjé! E sé pou sa nou ké toujou wouvin adan larèl politik-la davwa chanjé on modèl ékonomik sé pwan rèsponsabilité a-w an péyi a-w ki ta-w! Moun Mayòt chwazi vin départèman pou lajan sosyal mé yo pa'a sav sé nanm a-yo yo ka vann!


    1 commentaire
  • Magré tout bétiz moun ka touvé mwayen di anlè LKP, mi on mouvman ka kontinyé simé van a-y toupatou asi latè. I ka vanté alè, Mayòt.  Mi foto a-y!http://www.bondamanjak.com/images/stories/automatic/0/ebf7a92a85cd3916ea04a19e283373f0.jpg


    votre commentaire
  • http://t1.gstatic.com/images?q=tbn:ANd9GcTCMjzAVEQMFHJeFe4XPoRtBcY_bVte6xs00sdPRgPc6tDdqgGi

    Yo bizwen mofwazé Gwadloup adan

    on dézyèm Sengapou.

     

    Yè swa adan télé a-yo, "Guadeloupe dènyé" pou pa nonmé-y, yo montré on émisyon éwopéyen fè asi zòn endistriyèl a Jarry Bémaho. Natirèlman yo palé asi pwojé a gwan pò-la. Fò zò sav yo gwandi kannal a Panama pou pli gwo bato, sé "Panamax"-la pé pasé. E sé gwo kapitalis-la bizwen mété Gwadloup asi chimen a sé "Panamx"-la. Alò yo vlé gwandi pò-la é fouyé an lanmè-la pou Jarry pé wousivwè sé "Panamax"-la. Kon sa yo ké pé déchajé tout kalté marchandiz an péyi-la. On pò ki ké pé wousivwè on pakèt kontènè.

    Sa yo bizwen fè, sé mofwazé péyi Gwadloup adan on dézyèm Sengapou kon di prézidan a MEDEF-Guadeloupe. Yo ka di Sengapou adan péyi ki pli rich asi latè. Mé a ki pri! Kon di kanmarad Eli Domota, travayè an péyi-lasa ka dòmi tou doubout! An pa'a kwè an péyi-lasa, moun ka rèspèté dwa a travayè.

    Èvè pwojé a gwan pò-lasa, nou pé jijé lotonomi a péyi Gwadloup ja jous signé. Léta néo-kolonyal fwansé ja di nou i pé ké voyé gwan zafè a lajan kon avan. Fò politisyen Gwadloup ay prévwa pou lajan alò ni sa ka jijé gwan pò-lasa ké pé on solisyon. Mé a ki pri? Ès gwan pò-lasa ké kyouyé pwodiksyon agrikòl a péyi-la? Sa sé on manman kèsyon! Zò ka tou konpwann sé "Panamax"-lasa pé ké baké an péyi Gwadloup san yo mété on lajan osèryé. Alò Gwadloup ké pé wousivwè asé lajan pou'y pé sav vin otonòm mé sé ké on lotonomi ki ké sèvi entéré a léta néo-kolonyal fwansé. Non sèlman i ké sèvi entéré a fwansé, i ké sèvi piplis entéré a Léwòp padavwa sa yo bizwen fè, sé voyé tout marchandiz a-yo andidan Karayib-la. Gwadloup ké sèvi yo tèt dè pon.


    1 commentaire
  • http://t0.gstatic.com/images?q=tbn:ANd9GcT6CyCnd7tJprLwmYeNNe_PjFZG07HgRAnmJTG-_Rqm6J_Vxq_jAprézan sè é fwè konbatan gwadloupéyen, Shaka pa ka kriyé péyi-la ki a kaz an-nou "léta kolonyal fwansé" mé byen "léta néo-kolonyal fwansé". Poukisa? Sé padavwa léta fwansé pa ka mèt lajan adan posésyon a-y kon avan. Zò pa'a tann fwansé ka di nou pwan lotonomi an-nou? E gwadloupéyen konpwann gouvèlman fwansé pé ké fè-y? Ki'y a dwat, a gòch oben an mitan, gouvèlman fwansé ka suiv sa moun a lajan ka di-y fè! Zò konpwann sé labann a Sarkozy, Fillon ka menné an Fwans? Awa, sé moun a lajan! Fwansé ni dòt chat pou yo bat! Yo pé ké okipé dè nou kon avan! Ki jan fè nou pa ka konpwann sa? Sa yo ka vizé pou nou sé fouté on gouvèlman gwadloupéyen yo ké gidonné dèpi Paris. Fwansé bizwen fè kon yo ka fè an Afwik. Kon an Afwik, fwansé ké pé chwazi. A dwat yo ni Marie-Luce Penchard é a gòch Jacques Gillot oben ankò Victorin Lurel.

    Alò aprézan Shaka ké kriyé sa "léta néo-kolonyal fwansé"!


    1 commentaire


    Suivre le flux RSS des articles de cette rubrique
    Suivre le flux RSS des commentaires de cette rubrique