• http://www.djazair50.dz/local/cache-vignettes/L400xH273/arton924-285aa.jpg   https://encrypted-tbn3.gstatic.com/images?q=tbn:ANd9GcS2zfXm3Z-4ZuDVSk_VAdqkifd2RLjVJOO17z3C6U-skX1znbn6

     

     Sanblé a LONI ki fèt vandrèdi pasé.

     

    Sa fèt kanmarad, magré présyon a fwansé, LONI fin pa mété péyi Polinézi asi lis a péyi pou dékolonizé. Aprézan tini 17 péyi asi lis-la é ka rété on pakèt péyi ankò. Woulo ba misyé Oscar Temaru!

    Zò ka tou konpwann, léta fwansé anrajé kon pa tini!

    Tou a Lagwadloup, sé ki tan?


    1 commentaire
  • http://rci.fm/IMG/jpg/aec_logo.jpg

    Chonjé sa man Borel-Lincertin té di adan dènyé kongré a-yo. I té di matiniké èvè kolèktivité inik a-yo ola té ké ni on konsèy èkzékitif, kay jwé ominis owa sé mikroléta-la an Karayib-la. 

    Lè Jocelyn Sapotille kay Panama, lè Lirel é Borel-Lincertin an Ayiti pou sanblé a péyi AEC, ka yo ka fè?

     

    Lirèl ki ja ka vwè-y chèf déta a on répiblik Gwadloup adan sistenm fwansé-la!


    votre commentaire
  • http://1.bp.blogspot.com/-FQzpdNlecrE/UEuVVZDlxJI/AAAAAAAAAks/lyUig6AVTQA/s1600/Hugo-chavez.jpg

    Nou pé ké obliyé-y!

     

    Mériken èvè bannélo a-yo fin pa kyouyé sala ki té ka anmèwdé yo. I mò èvè on kansè mé an ka kwè maladi-lasa pa vin la pa haza. Kon Bob Marley, CIA é bannélo a-y mété andidan kò a komandan Chavez on kansè.

    Kon Lula prézidan a Brézil té manké pri adan sa. Kon Arafat prézidan a Palèstin izraèl té anpwazoné.

    Chavez mò mé révolisyon bolivaryèn-la ka kontinyé. Lajistis té toujou gannyé!

     

    Viva el comandante!  La revolucion nunca morira!


    1 commentaire
  • https://encrypted-tbn0.gstatic.com/images?q=tbn:ANd9GcSTg7nDNHvhJNrlAnikHuUtds2-QqqPK1IzZlAHE7DVm80ZR6jx

    Sarkozy ansyen prézidan a fwansé té cho pou ay an Libi kyouyé libyen é Kadafi. Hollande nouvo prézidan a fwansé ochan pou ay an péyi Mali pou fè lagè. Minis a-y Laurent Fabius pli présé ankò! Sarkozy? Hollande? LiMP? Sosyalis? Ki diférans ki tini? Pon yonn, yo toulédé ka défann entéré a léta fwansé an Afwik!

     


    1 commentaire
  • http://t3.gstatic.com/images?q=tbn:ANd9GcQlJ-SWI56lxlrNQvVIIhZ9ckOu2qKS9afhd7dF0l9I2G90vCig

    Sa fèt! Dèpi yè, péyi Palèstin vin on léta manb obsèvatè a Òganizasyon a Nasyon Ini (ONU). I trapé 138 vwa pou, 9 vwa kont é 41 abstansyon. On bèl viktwa ba pèp palèstinyen! Sa ja on bon débi pou Palèstin vin manb apa-antyè a LONU. Mé natirèlman, on nouvèl kon sa pa fè plézi Etazini é Izrayèl. Sé dé péyi-lasa tèlman démokratik, yo désidé yo ké pini Lapalèstin. Yo pé mènasé si yo vlé mé Palèstin tini soutyen a on pakèt péyi asi latè.


    votre commentaire


    Suivre le flux RSS des articles de cette rubrique
    Suivre le flux RSS des commentaires de cette rubrique