Misyé Johnny Woods (1917-1990) a lendikatif èvè harmonika a-y. Tann sa!

Mi sa ka fè déotwa chyé Gwadloup. Wi mésyé, nou pé kriyé sa fò!

KARAYIB+AFWIK=GWADLOUP

Mi VOUKOUM ka démontré nou sa mésyézédam!

Mas a Kongo, mas a woukou, zò pa'a tann?

 Sété madi gra Bastè!

Mas bout pou lanné-lasa mé lèspri a mas-la menm ka kontinyé fè chimen a-y an péyi Gwadloup. Mi ti-bwen ba zòt!

 Radikal Mas, sé koud'kè an-mwen pas mi on gwoup ki ni asé grenn pou mété déwò drapo nasyonal a péyi-la.

On dòt koud'kè an-mwen, misyé Klòd Kiuavé a lendikatif prézan èvè gwoup a-y adan on son nèf, nèf, nèf! Gadé sé dansè-la!

(1963-2012)

Pou on madanm fin, i té ni onlo kòf!

Dèmen sézon a kannaval-la kay démaré pou jis an bout a mwa févriyé-la. On sézon ka bazé-y asi almanak grégoryen-la ki sé biten a krétyen éwopéyen. Mé nou gwadloupéyen, majorité a pèp Gwadloup ka sòti an péyi Afwik. E sé kon sa dèpi 1980 é jis a jòdi-jou, gwoup a po wouvin parèt èvè labann a Akiyo, 50/50, Voukoum, Klé-la, Mas a Wobè, Anbout a-y... An 2012 an dwèt ka kwè pwès chak komin ni gwoup a po a-yo. Mé ès nou pé kriyé yo gwoup a kannaval? Awa, an pa'a kwè padavwa kannaval pou mwen sé mès a éwopéyen. Nou gwadloupéyen ka désann dè pèp afwiken, nou plito adan sa nou ka kriyé MAS! On mas sé on lèspri! Lèspri a zannimo, lèspri a lézansèt, lèspri a van, difé, dlo, brèf mas sé lèspri a lanati!

Pou montré zòt sa é pou montré zòt osi lyannaj-la antrè Lafwik é Karayib-la,  gadé on sérémoni an péyi Dogon (Mali) ola zò ka vwè lèspri ka dansé asi son a tanbou-la!

Adan sé kout tanbou-la, an ka rèkonnèt menndé-la, suit-la é osi son a mas a

Senjan-la!  (Pou sa ki konnèt tanbou).