• http://actu.guadeloupe.fr/wp-content/uploads/2013/10/4732-thumb.jpg

    Gwan konbatan patriyòt Rèné Fala lagé nou vandrèdi pasé.

    I té ni 74 lanné!


    1 commentaire
  • http://www.grioo.com/images/rubriques/13/4069.jpg

    Solitid adan pantéon a fwansé? Awa!!!

     

    Alò boug a lagè-la Hollande-la té di on jou fò plis moun rantré adan pantéon a-yo la an Fwans. On gwoup fanm an Fwans désidé fò léta fwansé mété plis madanm andidan pantéon-la. E sé kon sa yo désidé pòté kandidati a Solitid. Mwenmenm an-mwen, an ka di AWA!!! Pas Solitid goumé kont fwansé kon labann a Ignas, Dèlgrès, Masoto, Palèm, Kodou é konsò! I goumé kont fwansé pou'y té libéré Gwadloup kont sistenm èsklavajis é kolonyalis-la. E sé fwansé ki pann li apré. Alò an pon jan nou vlé Solitid rantré adan pantéon a-yo!


    2 commentaires
  • http://www.bondamanjak.com/wp-content/uploads/2013/03/20130304-162633-386x386.jpg

    Mi foto a-y!


    2 commentaires
  • http://eeg.gwadaportay.com/eeg2.gifhttp://t1.gstatic.com/images?q=tbn:ANd9GcQtYHCBmVgX8Koa_osOpaSYfgXzbvGjpu5R7OsDU-AQRaOmY7rWGg

    Zò ka lévé gawoulé kont lwa pou mayé makonmè mé zò vlé pa pwan pon rèsponsabilité gwadloupéyen!

     

    Sanmdi maten an lari Lapwent, moun a légliz évangélis Gwadloup té ka manifèsté kont pwojé lwa asi mayé a makonmè é lèsbyèn léta fwansé bizwen mété. Gwadloupéyen, an pa ka konpwann! Zò pa di zò bizwen rété anba dwa komen a fwansé? A pa zòt ka voté an mas ba Lirèl? Zò vlé pa lotonomi! Pa menm palé lendépandans! E zòt ka lévé gawoulé kont lwa fwansé bizwen mété?


    votre commentaire
  • https://encrypted-tbn3.gstatic.com/images?q=tbn:ANd9GcRlZkQ4g6_HXvwZIUCfwjk-PrTYHv0MUKtfsx9e-2Mrg0rcJOHN5w

    "Aaay Dominiiik!". Sé sa man Ophélia té ka chanté adan lélanné 80. On bèl omaj i té ka rann péyi a-y é i byen fèt fè-y padavwa péyi Domnik ka kontinyé fè chimen a-y. Chonjé jan gwadloupéyen té ka fè jé èvè moun Domnik pas yo té vin endépendan.

    34 lanné apré, zò ni moun ka sòti an péyi Emira Arab Ini (zò li-y?) pou yo pwan...nasyonalité a péyi Domnik!!! Wi kanmarad, moun ka sòti an péyi a pétwòl, péyi rich kon Emira Arab Ini pou yo pwan nasyonalité a on piti péyi kon Domnik. Mé kon an toujou ka di-y, si ni piti péyi, pa tini ti-pèp!

    Si moun ka sòti adan sé péyi-lasa pou yo pwan nasyonalité a péyi Domnik sé padavwa yo ké pé vwayajé adan on pakèt péyi san yo bizwen viza  kanmarad! E sé adan on péyi a nèg andidan Karayib-la yo vin chèché-y!

    Alò gwadloupéyen pannan zò ka voyé labou anlè on péyi kon Ayiti kon zò té ka fè-y asi Domnik, toujou chonjé péyi pa ka toujou rété anba tè, yo ka toujou woupwan doubout a-yo! Gwadloupéyen, kontinyé rété anba grenn a fwansé, pannan sitan sé péyi-la owa an-nou la ka fè chimen a-yo!


    1 commentaire


    Suivre le flux RSS des articles de cette rubrique
    Suivre le flux RSS des commentaires de cette rubrique