• http://guadeloupe.la1ere.fr/sites/regions_outremer/files/styles/top_big/public/assets/images/logo_mas_dewo_net.jpg

    Yo di kannaval Gwadloup sé twazyèm méyè asi latè apré ta Rio (Brézil) é ta Trinidad. Èvè tout kalté mizik, mas nou tini, an dwèt ka kwè. Jan nou ka fè kannaval an péyi Gwadloup, ou pa dwèt ka touvé sa pon koté asi latè.

    Dayè mi on ti-mòso a-y an lari Lapwent. Sété dimanch 3 févriyé pasé.

     


    votre commentaire
  •  

    http://www.guadeloupe.franceantilles.mobi/images/2012/04/24/88e1357ce1058b8e3b3b3da3bf39e8ae_240x355p.jpg

    Toujou sonjé Senjan! Menm si i pa jen fè mas, sé-y ki té anlè moto-la douvan mas-la. E konm tout sé moun a mas-la té maské, piblik-la té ka vwè enki figi a Senjan. Sé pou sa yo kriyé mas-lasa, mas a Senjan. Kifè mizik-la vini osi mizik a mas a senjan. Zò ka tann son a-y anlè mòso a Kassav anka voyé ba zòt-la.

     

    http://a406.idata.over-blog.com/750x498/0/43/76/82/10-mai-2011/Devant-l-eglise-St-Ambroise-photo-A-Jocksan.jpg

    Choukaj mas Paris, on gwoup an vant a bèt-la ka lyanné dyaspora-la

    èvè lèspri a mas-la

     

    Sonjé Senjan

    Lévé yo

    Lévé yo o ka

    Lévé yo

    Lévé o ka

    Tanbouyé woulé tanbou

    Fò'w kriyé lajénès

    Pa oubliyé Senjan

    Kriyé, kriyé, kriyé

    Pou tanbou pé woulé

    Sé gras a lajénès

    Ki fè moun rivé

    Ka sonjé Senjan

     

    Lévé yo

    Lévé yo oka

    Lévé yo

    Lévé yo o ka

    Tanbouyé woulé tanbou

    Fò'w kriyé lajénès

    Pa oubliyé Senjan

    Sonjé, sonjé, sonjé

    An tan mas a Senjan

    Ti-moun, gwan-moun, vyé-moun

    Kouri an lari dèyè tanbou-la

     

    (Kassav- Love and KA dance- 1979)

     


    votre commentaire
  • http://www.actuguadeloupe.com/c/guadeloupe/campagne+sucriere.jpg

    Rékòlt a kann-la démaré an péyi-la an bout a mwa janvyé-la. Lannuit ka fè fwèt! Bon solèy ka pété lajouné. Rézilta bon sik ka monté an kann-la. Nou pé rivé trapé on richès a 11!

    Dayè mi sa gwan mèt a mannyòk-la, misyé Wobè Loyson té ka chanté ban nou gwadloupéyen.

     

     Gwadloupéyen

    Pòté on koudèy si larékòlt

    Si zò pa'a pòté on koudèy

    Lagwadloup ké an fayit


    votre commentaire
  • Kanmarad, si zò pa té suiv prèmyé konsè a-yo lanné pasé, zò ké ratrapé-zòt oswè-la padavwa on gwoup a mizik a péyi Kongo kay bay on bèl réprézantasyon an vil Bémaho. Non a gwoup-la, STAFF BENDA BILILI. An pa ka maké plis, gadé é sitou kouté MIZIK!

     


    votre commentaire
  • Ka fè 31 lanné on gwan awtis jamayiken kité nou. Non a-y Nesta Robert "Bob Marley". On kansè kyouyé-y. Mé kansè-lasa, ès yo mété-y an kò a-y? Sé sa onlo moun ka mandé-yo dèpi nanni-nannan. Gadé é sitou kouté vidéo-la, an mété ba zòt la é si zò ka konpwann anglé, zò ké fè zòt on lidé.

    Bob Marley sété on èspès dè Che Gevara. E kon Che Gevara, an dwèt ka kwè laCIA dèyè mò a-y. Kouté sa prézantatè-la ka di an débi a  émisyon-la :"Bob Marley was more dangerous than Mohamed Ali". Kivédi Bob té pli danjéré ki Mohamed Ali.

     


    3 commentaires


    Suivre le flux RSS des articles de cette rubrique
    Suivre le flux RSS des commentaires de cette rubrique