• http://www.norceca.net/29-04-13-Team_LCA.jpg

    Sentlisi kalifyé-y pou twazyèm tou-la ola i

    kay jwenn èvè Kiba ki vis-chanpyon di mond an tit.

     

    Dézyèm tou éliminatwa a chanpyona di mond nonm a volébòl zòn NORCECA démaré an bout a mwa avril-la. E sé kon sa adan gwoup J-la, Sentlisi ki té ka òganizé ripaj-la a kaz a-y, bout prèmyé douvan Ayiti, Salvadò é Senkis é Névis. Sentlisi ké tonbé adan gwoup a Kiba pou twazyèm é dènyé tou-la. Kiba on gwo mòso padavwa i vis-chanpyon di mond an tit.  Léfwè ayisyen dwèt atann si yo kalifyé padavwa adan sé sis gwoup-la, yo ka pwan enki lékat méyè dézyèm. Salvadò é Senkis é Névis éliminé.

    Chonjé pou sé nonm-la, ékip nasyonal Gwadloup kay òganizé ripaj a gwoup N-la, i kay wousivwè Ondiras, Domnik é Grènad an milyé a mwa jen-la.

    Chanpyona di mond pou sé nonm-la ké jwé an sèktanm 2014 an péyi Polòn.

     

    Chanpyona di mond 2014 - Zòn NORCECA

    2èm tou - Gwoup J (Sentlisi)

    1. Sentlisi (kalifyé pou twazyèm tou-la), 2 Ayiti, 3. Salvadò, 4 Senkis é Névis.


    votre commentaire
  • http://t3.gstatic.com/images?q=tbn:ANd9GcTUcah5qyc8BfuTQzUua04c4o2MXjAcEV8TPiaFkJ6bi-hX5dA2xw

    Napoléon Magloire, yo té ka kriyé NAPO, gwan

    chantè bèlè* é bigin, lagé nou. I té ni 93 lanné.

     

     Napo èvè misyé Anzala, pannan fèstival gwoka Sentann an 1993

     

     Lalorèn

    Ban mwen-y kan menm

    Napo toujou adan fèstival gwoka sentann an 1993.

     

    * Fò pa zò konfonn bèlè Gwadloup èvè bèlè Matnik. Bèlè an péyi Gwadloup sé on jan nou ka chanté gwoka-la. Bèlè Matnik sé mizik tradisyonèl yo ka jwé an péyi-lasa. Dayè tanbou gwoka é tanbou bèlè sé dé tanbou diféran.


    votre commentaire
  • http://rci.fm/IMG/jpg/aec_logo.jpg

    Chonjé sa man Borel-Lincertin té di adan dènyé kongré a-yo. I té di matiniké èvè kolèktivité inik a-yo ola té ké ni on konsèy èkzékitif, kay jwé ominis owa sé mikroléta-la an Karayib-la. 

    Lè Jocelyn Sapotille kay Panama, lè Lirel é Borel-Lincertin an Ayiti pou sanblé a péyi AEC, ka yo ka fè?

     

    Lirèl ki ja ka vwè-y chèf déta a on répiblik Gwadloup adan sistenm fwansé-la!


    votre commentaire
  • http://l3.yimg.com/bt/api/res/1.2/He4yE8EqFVLlEO1jTrQVWw--/YXBwaWQ9eW5ld3M7cT04NTt3PTYwMA--/http://media.zenfs.com/en_us/News/Reuters/2013-04-19T234919Z_1_CBRE93I1U6A00_RTROPTP_2_SOCCER-CONCACAF.JPG

    Jeffrey Webb (CONCACAF) é Joseph Blatter

    (FIFA), dé prézidan pou on pal ba foutbòl

    Gwadloup?

     

    Dèpi vandredè pasé an péyi Panama, foutbòl Gwadloup rantré adan CONCACAF-la èvè tout dwa a-y. Kivédi Gwadloup pé pwan chimen a laFIFA. Nou sav fédérasyon foutbòl fwansé mété on bayè swadizan mé fò zò sav lwa a laFIFA chanjé. Dèpi ou adan on konfédérasyon èvè tout dwa a-w, ou pé rantré laFIFA. Wi kanmarad, bayè fèt pou yo soté! A pa paskè laFFFmété on bayè nou pé ké janbé-y. Kanmarad, fwansé ka jwé lamont mé i pé ké anpéché péyé annou rantré laFIFA. Apré tousa bon rézilta nou trapé andidan CONCONCAF-la pa rapòt a sé ti-boug Gwada-la, toutmoun pé ké konpwann pouki biten Gwadloup pé pa jwé éliminatwa pou lakoup di mond. Kongré a laFIFA kay fèt mwa pwochen é an ka kwè fò mèt a mannyòk a foutbòl annou voyé kandidati a péyi annou alè menm! Kanmarad, avan tiraj osò a éliminitwa a lakoup di mond 2018, fò péyi Gwadloup rantré laFIFA. Fò sa fèt swa mwa pwochen, swa an 2014 oben swa an 2015!


    votre commentaire
  • http://t3.gstatic.com/images?q=tbn:ANd9GcQIZau3gfqg0xoz1Qt1QiOrTLUZVTU07xGaTxOZJXPtlXTSx5DW  http://t0.gstatic.com/images?q=tbn:ANd9GcQ-MDmJkzVRaejFE3Cy5T4u2kkgarYCnfkY4CEq_4PrpkkZ9TYY

    On jou enpòtan ba foutbòl Gwadloup kay fèt an péyi Panama. Wi kanmarad, jou vandrèdi 19 avril kay fèt an péyi-lasa katòzyèm kongré a CONCACAF-la. On kongré ola nòmalman péyi annou Gwadloup kay rantré adan konfédérasyon-la èvè tout dwa a-y. Tout dwa a-y kivédi Gwadloup pé aprézan pòté kandidati a-y pou'y rantré laFIFA.

    Prézidan a Lig Foutbòl Gwadloup misyé Josèf Séné té ka réponn prézantatris

    a jounal télé a Guadeloupe 1ère asi rantré a péyi Gwadloup adan CONCACAF-la.


    votre commentaire