• http://guadeloupe.la1ere.fr/sites/regions_outremer/files/styles/top_big/public/assets/images/logo_mas_dewo_net.jpg

    Yo di kannaval Gwadloup sé twazyèm méyè asi latè apré ta Rio (Brézil) é ta Trinidad. Èvè tout kalté mizik, mas nou tini, an dwèt ka kwè. Jan nou ka fè kannaval an péyi Gwadloup, ou pa dwèt ka touvé sa pon koté asi latè.

    Dayè mi on ti-mòso a-y an lari Lapwent. Sété dimanch 3 févriyé pasé.

     


    votre commentaire
  •  

    http://www.guadeloupe.franceantilles.mobi/images/2012/04/24/88e1357ce1058b8e3b3b3da3bf39e8ae_240x355p.jpg

    Toujou sonjé Senjan! Menm si i pa jen fè mas, sé-y ki té anlè moto-la douvan mas-la. E konm tout sé moun a mas-la té maské, piblik-la té ka vwè enki figi a Senjan. Sé pou sa yo kriyé mas-lasa, mas a Senjan. Kifè mizik-la vini osi mizik a mas a senjan. Zò ka tann son a-y anlè mòso a Kassav anka voyé ba zòt-la.

     

    http://a406.idata.over-blog.com/750x498/0/43/76/82/10-mai-2011/Devant-l-eglise-St-Ambroise-photo-A-Jocksan.jpg

    Choukaj mas Paris, on gwoup an vant a bèt-la ka lyanné dyaspora-la

    èvè lèspri a mas-la

     

    Sonjé Senjan

    Lévé yo

    Lévé yo o ka

    Lévé yo

    Lévé o ka

    Tanbouyé woulé tanbou

    Fò'w kriyé lajénès

    Pa oubliyé Senjan

    Kriyé, kriyé, kriyé

    Pou tanbou pé woulé

    Sé gras a lajénès

    Ki fè moun rivé

    Ka sonjé Senjan

     

    Lévé yo

    Lévé yo oka

    Lévé yo

    Lévé yo o ka

    Tanbouyé woulé tanbou

    Fò'w kriyé lajénès

    Pa oubliyé Senjan

    Sonjé, sonjé, sonjé

    An tan mas a Senjan

    Ti-moun, gwan-moun, vyé-moun

    Kouri an lari dèyè tanbou-la

     

    (Kassav- Love and KA dance- 1979)

     


    votre commentaire
  • http://t2.gstatic.com/images?q=tbn:ANd9GcRuZutaqUhCRQO58U3n25l2ZIHCPIKC1glPOoANVQM1IfigJvQ

    Nijérya chanpyon dafwik pou twazyèm fwa ay

    (1980, 1994, 2013)

     

    Aprédavwa i gannyé Bikina Faso 1-0 an final-la, Nijérya vin pou twazyèm fwa a-y chanpyon dafwik (1980, 1994, 2013). Nijérya ka kalifyé-y an menm balan pou koup a sé konfédérasyon-la ki kay jwé an mwa jen-la an péyi Brézil.

     


    votre commentaire
  • http://www.actuguadeloupe.com/c/guadeloupe/campagne+sucriere.jpg

    Rékòlt a kann-la démaré an péyi-la an bout a mwa janvyé-la. Lannuit ka fè fwèt! Bon solèy ka pété lajouné. Rézilta bon sik ka monté an kann-la. Nou pé rivé trapé on richès a 11!

    Dayè mi sa gwan mèt a mannyòk-la, misyé Wobè Loyson té ka chanté ban nou gwadloupéyen.

     

     Gwadloupéyen

    Pòté on koudèy si larékòlt

    Si zò pa'a pòté on koudèy

    Lagwadloup ké an fayit


    votre commentaire
  • http://t3.gstatic.com/images?q=tbn:ANd9GcT6q_sOhMxpyUFdcdJ5WGFXC566nxBy-aCR3LSHqNvu7VMPRwIYJ5AJ6kA  http://t1.gstatic.com/images?q=tbn:ANd9GcR5vXfxuuQspMKJg92IHxcbnuvPdgjMfW8pbJD_MRvY5sEajxfc5mM16w   http://t3.gstatic.com/images?q=tbn:ANd9GcRDHKkhT0HOdE5XRRzrL_SWYFQ1f_ygJKjOpDPigoKd4L0WaoVPWfTvjA

    Yè swa, toutmoun dwèt vwè-y andidan télévizyon a-yo. Jounal a "Guadeloupe 1ère" té envité prézidan a Lig Foutbòl Gwadloup (LGF) misyé Jozèf Séné. Li èvè prézidan a lig foutbòl Matnik, Giyàn é osi rèprézantan a foutbòl Senmawten té an péyi Matnik lòtjou ola yo tou létwa té ka fasadé an péyi Matnik èvè dirijan a laCONCACAF, laFIFA é Fédérasyon Foutbòl Fwansé. On fasadaj ola yo té ka palé asi rantré a Gwadloup, Matnik é Giyàn laCONCACAF konm "full members" kon yo ka di an anglé. Kivédi, yo ké ni menm dwa é menm dèvwa ki nenpòt manb a laCONCACAF. Sa kivédi osi, Gwadloup, Matnik, Giyàn, Senmawten (é asiré pa pétèt Sinmawtin) ké jwé éliminatwa a lakoup di mond kanmarad! Jou 19, 20 é 21 avril pwochen,  kongré a laCONCACAF ké fèt an péyi Panama an menm moman a chanpyona a laCONCACAF a sé mwen 17 lanné-la ki ké fèt an péyi-lasa menm. Apré bèl lèsplwa a Lagwadloup adan Gold Cup 2007 (I té rivé an dèmifinal), an ka kwè laCONCACAF oblijé fè-y rantré konm "full member" é an menm balan-la, laFIFA osi. Wi kanmarad, nou pé di sa jòdi-la, Fédérasyon a Foutbòl Fwansé lésé-y pyéjé-y padavwa laCONCACAF chanjé èstati a-y. I ka pwan enki "full members" andidan a-y! Kon yo ka di, rèv-la ka vin on réyalité!

    Plis ki janmen lotonomi a èspò Gwadloup ka pwan douvan padavwa apré taèkwondo-la é volébòl-la sé tou a foutbòl-la mé osi ta hannbòl-la. Dayè nou ké palé asi hannbòl-la adan on dòt biyé. On lotonomi adan èspò-la ki kay jwen lotonomi politik a péyi annou.

     

    Zò pé lyanné-zòt asi bik entèwnèt a laCONCACAF

    http://www.concacaf.com/page/AssociationNewsDetail/0,,12813~3060085,00.html


    votre commentaire