-
An ka di zòt kanmarad, ni lontan an té bizwen chanjé blòg é sé mésyé ban mwen on bèl lokazyon pou fè-y. Alò sé pou sa kanmarad, an ka di zòt alè-la, nou ké bokanté pawòl-maké enki aka "Gwakafwika Révolisyon". Mé sa pa vlé di an ké lagé ansyen blòg an-mwen padavwa si an lagé-y, yo ké fèmé-y on fwa on fwa. An ka di zòt osi kanmarad, blòg-lasa, pa ni lontan i parèt. An préféré-y davwa ou pé fè plis biten adan-y, kon pa èkzanp voyé vidéo anlè-y! E sitou kanmarad, déotwa initil pé ké vin fouté piblisité adan-y!
2 commentaires -
Dèmen 19 òktòb kay fè 27 lanné larmé a péyi Etazini té ka débaké Grènad pou déchouké on boug ki pa té èsklav a-yo, misyé Maurice Bishop. On boug ki rivé mèt asi pyé on sistenm sosyalis ki té kay fè péyi a-y vwè douvan a-y. Mé konm mériken pa té vlé tini on dézyèm "Kiba" an Karayib-la, yo fouté on koudéta ki bout èvè mò a gwan nonm-lasa. Lòksidan, zò ké ni krim pou zò péyé!
Maurice Bishop, prézidan a Grènad,
on boug ki pa té èsklav a-yo lòksidan
kyouyé on jou 19 òktòb 1983!
1 commentaire -
-
Jòdi-la, pa ni mwayen moun lyanné èvè shakazulu.zeblog.com. An ka di sa pa on pwoblèm! Moun vlé anpéché Shaka woulé mé Shaka tini zouti an men a-y toubòlman! Zò fèmé blòg an-mwen, é ben an ké monté on dòt! An sav adan ki sistenm an yé! Lè on moun ka déranjé sistenm a-yo, yo ka éséyé fè fèmé gyèl a-y! E jòdi-la mi on dòt blòg an gyèl a-zòt! Non a-y http://gwakafwika.revolublog.com
2 commentaires