On drapo ki tini 208 lanné!

Nou té on jou a févriyé 1803 lè labann a Désalin é Pétyon désidé raché koulè blan a drapo fwansé-la. Kifè i rété enki wouj é blé-la é sé kon sa drapo a nasyon Ayiti vin kréyé. On drapo yo rann ofisyèl on jou 18 Mé 1803, swa hui mwa avan yo té pwoklamé lendépandans a péyi-la. Drapo-la tini 208 lanné!

Pèp Ayisyen kèlanswa koté i yé, ka fété jòdi drapo a-y. Dyaspora-la ki an Gwadloup pé ké manké fè-y! On sélébrasyon ayisyen ka natirèlman asosyé gwadloupéyen! Jou-lasa, moun kay manjé soup a jiwomon!

Magré tout tribilisayon péyi Ayiti ka sibi, drapo a nasyon-lasa ka rété doubout!

Sa ka montré nou pa bizwen nou atann nou vin endépandan pou nou ja ni on drapo! Sa sé ba sé patriyòt-la, an ka voyé sa!

17 avril 1980 - 17 avril 2011 ka fè 31 lanné péyi Zimbabwé débarasé-y dè kolon anglé. On lendépandans ki pa ka fè lòksidan plézi davwa kon Ayiti, nèg déchouké blan an péyi-la. E sa ka rann yo pli anrajé ankò sé vwè Mugabé pa ka pliyé jounou douvan yo! Zimbabwé sété gad-manjé a Lafwik. Ka sé blan-la fè? Yo enki désidé mété on kalté blokis asi konmès a péyi-lasa ; kivédi anpéché moun a-y achté pwodiksyon a péyi-lasa. Rézilta lòksidan touvé mwayen fouté on dézòd an péyi-lasa. A pa kriminèl sa?

17 avril 1980, yo envité Bob Marley é gwoup a-y jwé pou fété lendépandans-la èvè pèp Zimbabwé. Mimi-y! Pa obliyé nou ka komémoré 30 èm disparisyon a gwan nonm-la!

 Zimbabwé adan èstad Salsbury an péyi Zimbabwé (17 avril 1980)

"Every man got a right to decide his own destiny"

Kivédi sè é fwè Gwadloup, chak nonm dwèt pwan chimen a rèspnsabilité!

Ouvéa, on film kay fè on pakèt blan plézi Kanaky!

Mathieu Kassovitz kay voyé douvan figi a-yo an vil Cannes adan fèstival a-yo an Fwans on film i touné asi sa'y té pasé Ouvéa an 1988 an péyi Kanaky. On koté ola kanak té mò anba bal a kolonyalis fwansé! On film an di zòt kay fè on pakèt blan plézi Kanaky, ah,ah,ah! Film-lasa Mathieu Kassovitz té oblijé touné-y an Polinézi! Fwansé ja fè krim! A pa kouyonnad!

(1940 - 1991)

25 févriyé 1991 - 25 févriyé 2011, 20 lanné Soni Ripè militan a lakòz nasyonal Gwadloup lagé nou. Soni Ripè powèt, manm a lèGONG, manm fondatè a LiPLG. Dèpi 25 févriyé 1992 swa on lanné apré mò a-y, tout patriyòt Gwadloup ka chonjé gwan nonm-lasa. 25 févriyé 2010, sé patriyòt-la té douvan tonb a-y an komin Kapèstè Bélo. Mi on omaj misyé Klòd Makouk ansyen sèkrétè jénéral a LiPLG té ka bay lanné pasé an simityè Kapèstè.

21 févriyé 1965, Lamérik té

ka asasiné on gwan révolisyonnè

an-nou.

Malcom X toujou té ka di : "By any means necessary". Kivédi déchoukaj a on sistenm dwèt menné èvè tout kalté biten ki pé tonbé an men an-nou!

Mi on démokat-pawòl gwan nonm-lasa té ka voyé ba pèp a-y !