• http://t1.gstatic.com/images?q=tbn:ANd9GcRJZABD-e8zFHJWsY6SwIu8enrmkbrVTEki4C8e-vWo4UOeUnbG

    Yè vandrèdi militan, patriyòt Gwadloup té ka chonjé antrè lannuit a mawdi 17 é mèkrèdi 18 févriyé on sendkialis a CGTG é tanbouyé a Akiyo té ka pèd vi a-y sité Henri iV Lapwent èvè on bal brénèk planté an kò a-y! Non a-y Jak Bino! Yo fè ankèt dapré-yo é yo touvé mwayen fè on gwadloupéyen ki pa té ni ayen a vwè adan listwa-lasa rantré adan lajòl a-yo. Mé nou ja konnèt! Zò tann kanmarad Domota asi RTB adan on miting ki fèt yè Bémaho? Nou tout sav sé béké-la Gwadloup ni on milis. E an senten sé yonn adan sé milis-lasa ki kyouyé kanmard Bino! Tousa èvè konplosité a léta kolonyal fwansé.


    1 commentaire
  • http://t1.gstatic.com/images?q=tbn:ANd9GcQGBf0mHGScI9wCtWopPkl4veNOAGCxS5P0w92TpgixPOQLPgrd

    14 févriyé, gwadloupéyen ké chonjé

    sa'y fèt an komin Moul jou-lasa an

    1952.

     

    14 févriyé, jou a Senvalanten? Pétèt pou moun ka chonjé sé enki jou-lasa yo enmé madanm a-yo oben nonm a-yo, pétèt osi pou moun ki bizwen rantré adan zafè a achté zyé fèmé. Mé mwenmen an-mwen pa ka rantré adan maji a kapitalis!

    14 févriyé 2011, sé jou ola mèt a kaz-la Sarkozy kay wousivwè politisyen bwabwa Gwadloup pou'y désidé divini a péyi-la. Nou ja konnèt sa Sarkozy ja désidé, sé konsèy réjyonal é konsèy jénéral fè on sèl kon Matnik é Giyàn. Koloni a fwansé ka sèvi-yo laboratwa!

    Sèl dat mwen an ké komémoré, sé 14 févriyé 1952, ola larmé kolonyalis fwansé té asasiné kat gwadloupéyen pannan on mouvman grèv a travayè kann an komin Moul! Dayè LKP kay tini on miting oswè-la an komin-lasa.


    2 commentaires
  • http://t2.gstatic.com/images?q=tbn:ANd9GcTlm7JG9YXPNoAyfWNFGDYFphKU-R32QY7TE4E4MNUnjWzPBYwsNA

    Frantz Fanon (1925 - 1961)

     

    Larmé fwansé ka fè krim an péyi Aljéri! Fò zò li misyé Frantz Fanon " Les damnés de la terre" pou zò pé konpwann fwansé adan koloni a-yo, yo san fwa ni lwa! On jou 6 novanm 1961, gwan nonm-lasa ka lagé nou! I ka "dòmi" an Aljéri menm!


    1 commentaire
  • http://t3.gstatic.com/images?q=tbn:ANd9GcR7l1mesZew6y06QHmOLYMgIjtY7bhvzn0FFrWpH6EBYy0_AhWiXQ

    Milatrès Solitid. 29 novanm 1802, èsklavajis é kolonyalis fwansé té ka pann vayan madanm-lasa kon onlo konbatan pou lalibèté an péyi Gwadloup! Èstati a-y, zò pé vwè-y an dézyèm wonpwen "Boulva a sé timal-la" Lakwa Zabim lè zò sòti Lapwent. Sa sé pou gwadloupéyen ki poko débaké an péyi a-yo dèpi lontan!

     


    2 commentaires
  • http://t0.gstatic.com/images?q=tbn:ANd9GcT78HU6mW9kQrdG9RwZf2EWNB34s-kdf9uoLZhsyU0G_ImFaEc&t=1&usg=__WGcHAHumvgM2QSQn4UJ5MCZ3xkE=18 novanm 1985 - 18 novanm 2010, kay fè 25 lanné mésyé, on ka-syèk on jandam rèprézantan a léta kolonyal fwansé té ka ASASINE on jenn gwadloupéyen, non a jenn-lasa Charles-Henri Salin! Jenn ti-boug-lasa té lékòl lisé Baimbridge. Jou-lasa, i té sòti sinéma é i té kay rantré a kaz a-y. E sé pannan i té ka pwan chimen a kaz a-y i kontré manblo! Kay pasé? Sa nou konnèt sé on jandam Michel Maas tiré dèyè do a jenn ti-boug-lasa. An moman-lasa yo té ka chèché on brakè mé konm pou yo tout nèg sé nèg alò sé kalté blan-lasa pa jen ka réfléchi avan yo pété bal asi moun! Jistis a-yo fè pèp-la kwè yo té baré jenn gason-la Bwasa alò kè yo kyouyé-y owa CHU-la Chovèl. Jistis a-yo touvé tout dyab é sé kòn pou yo té lagé jandam asasen-lasa! On jandam yo dékoré é ki alè ka bwè dlo a-y an péyi a-y!

    25 lanné apré, nou ké lésé zafè-lasa pasé?

    25 lanné apré, mouvman kiltirèl AKIYO ka fè pèp Gwadloup chonjé kyouyézon-lasa. Sa kay komansé jòd-la èvè on bokantaj a pawòl adan lokal a AKIYO menm é demen  yo ka envité tout mas kiltirèl déboulé an lari Lapwent èvè on tèm asi Réprésyon.


    3 commentaires


    Suivre le flux RSS des articles de cette rubrique
    Suivre le flux RSS des commentaires de cette rubrique