napoléon, jules ferry,  hiltlè, mussolini, j.e.hoover, ronald reggan, g.w.bush, p.botha, mitterand, chirac, lè pèn, bardot, sarkozy, zemmour, thierry roland, charles villeneuve, finkielkraut, guéant, guerlin, berlusconi, hayot, despointes, damoiseau, boulogne, ku klux klan é tout dòt kalté rasis ki pé pa vwè on nèg, yo asi latè parapòt a ki moun? Yo la parapòt a NÈG!

E wi, si nonm pa té parèt an Afwik, limanité pa té ké vwè jou!

Alò nou nèg, nou pé palé gra, nou pa ka douwé yo!

14 FEVRIYE 1952

On jou a mwa òktòb 1958, on pandan a Victorin Lurel,  Léon Mba prézidan a Gabon (toujou koloni fwansé) té ka mandé mèt a-y an Fwans mofwazé péyi-la adan on ...départèman fwansé ????? Mèt a-y prézidan a répiblik fwansé Charles de Gaulle té ka di-y AWA!!! Dayè mi sa de Gaulle té ka di Alain Peyrefitte bwa dwa a-y asi dosyé-la an tan-lasa :

" Nous ne pouvons pas tenir à bout de bras cette population prolifique comme des lapins. C'est une bonne affaire de les émanciper. Nos comptoirs, nos escales, nos petits territoires d'outre-mer, ça va, ce sont des poussières (...) Il nous seraient restés attachés comme des pierres au cou d'un nageur. Nous avons eu tous les peines du monde à les dissuader de choisir ce statut".

Alò kanmarad? A pa mépri yo ka kriyé sa? E sé adan sa Lirèl ka fouté nou! Zò konpwann labann a Sarko, Hollande é tout bannélo a-yo pa ka di menm biten lè yo antrè yo?

Zò ka tou konpwann adan lélanné 60 si ou ka konparé moun ki an Afwik é moun ki an Fwans, pa té ni foto! 50 milyon fwansé kont 200 milyon afwiken, léta fwansé pa té pé sipòté sa! Sé té ké twòp chaj pou-y! Alò léta fwansé komansé pa ba tout sé péyi-lasa on lendépandans asi papyé mé léta fwansé té ka mèt bwabwa a-y an tèt a tou sé péyi-lasa pou'y té pé sav kontrolé yo. Sé sa yo kriyé Lafwansafwik!

Pa kont si ou ka fè menm konparézon-la antrè moun ki an Fwans é moun ki adan sé koloni-la jòdi-jou, a pa menm biten davwa nou ka touvé nou 2 milyon kolonizé kont 60 milyon fwansé. Alò fwansé pa two cho pou bay lendépandans mé pa kont konm zafè a-y mélé, i paré pou ban nou lotonomi.

Défen Fanon té di on jou Lafwans té ké ban nou lendépandans a kout pyé mé an 2012 an ka kwè i ké ban nou lotonomi a kout pyé an bonda an-nou. Lirèl, ou pa'a tann sa mèt a-w ka di-w?

* Pouki "papa" de Gaulle? Chonjé Bokassa, jan i té ka pléré an lantèrman a de Gaulle! E wi papa-y té mò!

1é janvyé 1804, Ayiti té ka vin prèmyé nasyon nèg ka libéré-y dè gyouk a lèsklavaj é kolonizasyon-la. Mé a pa té prèmyé nasyon nèg endépandan asi latè padavwa pa jen obliyé Létyopi an Afwik sé sèl péyi yo pa jen kolonizé.

Andéwò dè Etazini ki pwan lendépandans a-y an 1776, Ayiti pwan lendépandans a-y avan tout sé lézòt-la asi kontinan amériken-la. Moun pé di sa yo vlé mé sa mérité rèspé!

208 lanné péyi Ayiti endépandan. On lendépandans lòksidan ka kontinyé fè-y péyé mé ni on lè, tribilasyon ké bout an péyi-lasa. E magré tout sé tribilasyon-lasa, drapo ayisyen-la toujou doubout.

Gadé é kouté!

Drapo é imn nasyonal Ayiti (La Dessalinienne)

 Pou Ayiti

Péyi zansèt yo

Se pou n mache

Men nan lamen

Nan mitan n pa fèt  pou gen trèt

Nou fèt pou n sèl mèt tèt nou

Annou mache men nan lamen

Pou Ayiti ka vin pi bèl

Annou, annou mèt tèt ansanm

Pou Ayiti onon tout zansèt yo

Koté sétè oswè moun Gwadloup, moun ki andidan péyi-la ké pé ay an sinéma "Rex" pou yo pé gadé on film ka rètrasé listwa a on évènman ki rivé an péyi Kanaky.  An pa'a di plis! Randévou oswè-la!