-
E zò kont LKP?
Travayè fwansé oblijé ay manjé lasoup popilè!
Yè swa andidan télévizyon a fwansé, yo montré jan fwansé, blan fwansé ka vwè mizè an péyi a-yo ki ta yo! Yo montré dé fwansé ka pasé tout lannuit a-yo ka dòmi adan...loto a-yo mésyé! E jous ni yonn ka woulé adan on lizin! Kivédi adan péyi swadizan endistriyalizé, swadizan rich, on pati a pèp a-yo ka vwè mizè magré yo ka travay! Sé sa yo ka kriyé an anglé "working poor" , travayè-maléré! On vyé larèl ki komansé mannyé péyi Gwadloup an-nou osi! Moun ka woulé an péyi-la oblijé maré senti a-yo pou yo souviv! E sé kont sistenm-lasa Lyannaj Kont Pwofitasyon ka lévé gawoulé! Malérèzman nou ni adan pèp an-nou déotwa ki poko konpwann sans a konba a LKP!
Tags : fwanse, adan, peyi, nou, vye
-
Commentaires
sa pa séryé mésyé sa pa séryé ditou !!!
Annou kontinyé lévé gawoulé lè i tini on swadizan ti-pwoblèm davwa sé grenn diri ka fè sak diri
Sé èVè LALIT NOU KAY CHANJé LAVI