Koup dafwik

Gwoup B : Soudan - Birkina Faso 2-1

                Kòtdivwa - Angola 2-0

Klasman-la : 1. KÒTDIVWA 9 pwen (+5), 2. SOUDAN 4 pwen (0), 3. Angola 4 pwen (-1), 4. Birkina Faso 0 pwen (-4).

. Kòtdivwa, Soudan ka kalifyé-yo pou sé kadèfinal-la.

Koup dafwik 2012 an péyi Giné Ekwatoryal é Gabon

 Gwoup D : Giné - Bòtswana 6-1

                Gana - Mali 2-0

Gwoup A : Libi - Sénégal 2-1

                Giné Ekwatoryal - Zanbi 0-1

Klasman-la : 1. ZANBI 7 pwen (+2), 2. GINE EKWATORYAL 6 pwen (+1), 3. Libi 4 pwen (0), 4. Sénégal 0 pwen (-3)

* Zanbi, Giné Ekwatoryal ka kalifyé-yo pou sé kadèfinal-la.

 Giné 6 - Botswana 1 (Pou lèmoman pli gwo mak a tounwa-la

On match ola jwè Gabon é Mawòk

mounyé mayo a-yo pou pli gwan

plézi a sé sipòtè-la.

Apré Sénégal, on dòt favori a konpétisyon-la kay fè paké a-y aprédavwa i pèd match a-y douvan péyi òganizatè-la Gabon (2-3). On ékip Gabon ki kalifyé-y pou sé kadèfinal-la apré Giné Ekwatoryal lòt péyi òganizatè-la, Kòtdivwa é Tinizi ki gannyé aprémidi-la Nijè (2-1).

 Gadé bèl twazyèm bi a sé gabonè-la!

Kouté jan jounalis mawoken-la kontan!

Kòtdivwa a Salomon Kalou

pasé mé sa poko sa.

Onlo òbsèvatè fè analiz-lasa. Kòtdivwa kalifyé-y aprédavwa i gannyé Birkina Faso 2-0 mé i pa konvenk pon moun. Lésansyèl kan menm sé kalifikasyon-la. Kòtdivwa ké bouwé pou twazyèm match a-y kont Angola ki té jwé lakoup di mond an 2006. On match pou vwè ki moun ka bout prèmyé adan poul B-la. Kòtdivwa bizwen enki on match nil.

Adan lòt match-la Angola é Soudan kité yo asi on mak bita bita (2-2).

 Ti-bwen arab pou lafòm!

Koup dafwik 2012 an péyi Giné Ekwatoryal é Gabon

Gwoup A : Prèmyé fwa Giné Ekwatoryal té ka jwé on faz final a on koup dafwik, mi'y ja an kadèfinal aprédavwa i gannyé dézyèm match a-y. E a pa douvan nenpòt ki ékip i fè-y, i fè-y douvan finalis a édisyon 2002-la é kadèfinalis a lakoup di mond 2002, kivédi Sénégal. On ékip ki pa té pèd pon match adan sé faz éliminatwa-la, on ékip onlo èspésyalis té ka konsidéré kon yonn adan sé favori-la pou gannyé koup dafwik-lasa. Sa senten sé on gwan manman désèpsyon pou sé lyon a Téranga-la ki sé dézyèm non a ékip sénégalèz-la. Sénégal ké jwé twazyèm match a-y douvan Lalibi pou lonè.

Adan dézyèm match a gwoup A-la é asi on téren ki pwan onlo dlo apré on manman lapli tonbé, Zanbi é Libi kité yo asi on mak bita bita (2-2). Balotaj favorab ba ékip Zanbi ki té gannyé prèmyé match a-y douvan Sénégal (2-1). Libi ki té pèd prèmyé match a-y (0-1) douvan péyi òganizatè-la Giné Ekwatoryal ké éséyé woulansé-y douvan Sénégal ki ja éliminé.

 Woulo ba Giné Ekwatorayl!