Pwès tout pèp asi latè ka kriyé anmwé padavwa gwo machin-la yo hélé kapitalizm-la ka watibwazé tout koté. Menm aka éwopéyen! Moun jòdi ka sòti an lari pou pwofitasyon fè dèyè kaz. An anglé é an fwansé, yo ka kriyé sa "exploitation" mé nou ka kriyé sa "pwofitasyon" ki pli fò ankò.

Alò sa fè mwen chonjé yonn adan sé pli gwan chantè-la Ayiti ja pòté. On chanté ki malérèzman ja kité nou (jou 13 mé 1985). Non a-y  Antoine Rossini Jean-Baptiste toutmoun konnèt asi non a Ti-manno.

Gadé é kouté-y èvè gwoup a-y Gemini All Star ka lyanné èvè pèp a-y an péyi Ayiti. Ti-Manno, on  awtis militan ka manké nonsèlman Ayiti mé tout péyi nèg asi latè!

 Èspwatasyon sé sa ki kòz tout pitit mouri soufri

Pandan ke sa'k rich ap vin plu rich

Egalité, fwatènité, sé sa pou nou  òbsèvé

Pou lavil  fè youn sèl ak lakanpay

(Ti-manno)

A pa sa ka kontinyé fèt jòdi-jou? 

(1926 - 1991)                                               On èstati a-y an Polòn

28 sèktanm 1991 - 28 sektanm 2011, ja ka fè 20 lanné yonn adan sé pli gwan jazmenn-la lagé nou. Non a-y Miles Dewey Davis III. On gwan jwè twonpèt ki té ja ni lokazyon vini dé fwa an péyi an-nou Gwadloup. Miles Davis sété on boug ki pa té jen las chèché nouvon son.

Ni on biten té rivé-y an péyi a-y Etazini. On manblo blan té bay kou padavwa manblo-lasa pa té vlé nèg douvan sal dè konsèr-la. Miles Davis té di-y i té tèt dafich adan konsèr-lasa é magré sa manblo-la pa kwè-y. Sété an tan ola yo té ka pann nèg an pyébwa!

 "So what" (1964) :  Miles Davis (twonpèt) èvè John Coltrane (saksofòn).

"Tutu" (1986) : Miles Davis (twonpèt èvè soudin a-y), Marcus Miller (bas),

Kenny Garret (flit). Yo tou létwa ja vin an Gwadloup.

Alò? A pa mizik?

Ah wè! Vrèman, gwadloupéyen pa sav sa yo vlé! Bomaten-la an ka maché Laplas Laviktwa é kon a labitid an ka vwè on pakèt moun sanblé douvan "soulanbasad a fwansé" an péyi an-nou. 80% adan sé moun-la sé moun Ayiti. E sé kon sa an ka tann on madanm asiré pa pétèt, sé on moun isi, ka di : "Péyi-la ké èsplozé!". Gwadloupéyen, limigrasyon, adan men a ki moun i yé? Adan men a gwadloupéyen? Zò ni ka jéré péyi a-zòt ki ta-zòt! E pou jéré-y, fò zò pwan lendépandans a-zòt! E séla zò pri la pas yo fouré adan kabèch a-zòt, lendépandans ké fè zòt vwè mizè. Alò konm zò pa anvi pwan-y lendépndans-la, zò ni ka fèmé gèl a-zòt!

Ou pa té mérité sa!

Sa fèt! Misyé Troy Davis tonbé anba lenjistis a sé kalté blan rasis-la ka viv adan péyi a sé zendyen-la, an vlé palé zòt dè péyi Etazini Lamérik-la! On afwo-mériken, yo akizé-y i té ké kyouyé on manblo blan an 1989. Zò ja konnèt! Èvè sé moun-lasa, yo pa ka chèché zafè a prèv, dèpi ou sé on nèg é ou pa ni onlo lajan, sa rivé-w! Malè a Troy Davis, i touvé-y on mové koté adan on mové moman!

E Barack Obama a-zòt-la? Tout nèg té kontan lè yo éli misyé an tèt a Lamérik. An ja di zòt, a pa Obama ka menné mé moun a lajan!

Kouté sa sè a Troy Davis té ka di douvan kaméra é mikro a jounalis kèk tan avan èkzékisyon a-y!

  A pa kriminèl sé mésyé? 

Toutmoun té konnèt PSE chantè mé avan i té gwan chantè, i té ka mannyé tanbou-ka-la é batri-la rèd. Gadé sa é kouté son a ka-la!

PSE ka maké asi on menndé. Adan sé boulayen-la,

zò ka woukonnèt François Ladrezeau é Armand Archeron.

 PSE ka maké asi on toumblak (a lanvè???!!)