On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
Ou pa té mérité sa!
Sa fèt! Misyé Troy Davis tonbé anba lenjistis a sé kalté blan rasis-la ka viv adan péyi a sé zendyen-la, an vlé palé zòt dè péyi Etazini Lamérik-la! On afwo-mériken, yo akizé-y i té ké kyouyé on manblo blan an 1989. Zò ja konnèt! Èvè sé moun-lasa, yo pa ka chèché zafè a prèv, dèpi ou sé on nèg é ou pa ni onlo lajan, sa rivé-w! Malè a Troy Davis, i touvé-y on mové koté adan on mové moman!
E Barack Obama a-zòt-la? Tout nèg té kontan lè yo éli misyé an tèt a Lamérik. An ja di zòt, a pa Obama ka menné mé moun a lajan!
Kouté sa sè a Troy Davis té ka di douvan kaméra é mikro a jounalis kèk tan avan èkzékisyon a-y!
A pa kriminèl sé mésyé?
/http%3A%2F%2Ft0.gstatic.com%2Fimages%3Fq%3Dtbn%3AANd9GcTNxdHUq6Jh9YO0AkhRPvugL7n5AoPdI6-JNVyCvgQaFBHdjhwnpcDguXTM)
/https%3A%2F%2Fassets.over-blog.com%2Ft%2Fcedistic%2Fcamera.png)
/http%3A%2F%2Ft2.gstatic.com%2Fimages%3Fq%3Dtbn%3AANd9GcT9v8DbqMoDZ3IGhSzTxrUwhom8dHphvXaGgGI0NcbyWAdIoFoT)
/http%3A%2F%2Ft1.gstatic.com%2Fimages%3Fq%3Dtbn%3AANd9GcRr7znh3Arrsum-WBbmkC-HiyG5ZUGy8F_Ccn7HWypKJEYBrj0B)