-
Mayòt : on mò é grèv-la ka kontinyé!
Nou apwann sa anlè RTB ola bomaten-la Eli Domota té ka di adan jounal a Janklòd, manblo té ké kyouyé on manifèstan èvè on kou flachbòl an mitan lèstomak a-y. I ba-y li toupré! Pou toufé zafè-lasa, médya fwansé asi nèt-la ja ka di i té ké mò pas i té ké trapé on kriz kardiak. E an plis di sa, yo ka di yo pa té ké touvé pon mak a flachbòl anlè-y. Ay kwè sé mésyé! Pa ni lontan, on ti-moun té pèd on zyé parapòt a on mablo ki té tiré on kou flachbòl toupré tèt a-y. Flachbòl ka ranplasé bal fizi mé pa tini pon diférans antrè sa ka fèt Mayòt an 2011 é sa ki fèt an péyi Gwadloup an Mé 1967.
Magré réprésyon a léta néo-kolonyal fwansé, magré yo bizwen fè moun pè, grèv jénéral-la ka kontinyé Mayòt!
Tags : flachbol, pou, mayot, net, kou
-
Commentaires
Menm biten ki an péyi annou, la yo tchoué j.Bino (adan lannuit 17-18 févriyé), Nou méné konba-la jis o jat maws...nou ké vwè jis a ki tan Mahowé ki rété Doubout ! Fòs é Kouraj mésyé !!!