On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
Sa fèt! Dépi yè dimanch ékip nasyonal a Polinézi yo ka kriyé anba-la Tahiti Nui vin chanpyon loséyani 2012 aprédavwa i gannyé Kanaky 1-0 an final. Nonsèlman sé tahisyen-la ka vin chanpyon loséyani pou prèmyé fwa a-yo mé sitou sè é fwè Gwadloup, yo kay adan koup konfédérasyon FIFA ki kay jwé lanné pwochenn Brézil! On koup konfédérasyon ola yo ké jwenn èvè Brézil, Èspagn, Irigwèy, Mèksik, Japon, plis on dòt rèprézantan a Léwòp é chanpyon dafwik-la.
Kouté apré match-la, antrénè-la é kapitenn a ékip tahisyenn-la! Kouté fyèté a-yo padavwa yo sav yo sé on pèp, yo sé on nasyon kay fasadé èvè dòt nasyon asi latè! Gwadloupéyen, on pèp ki fyè, sa bèl menm!
Mi drapo-la zò ké vwè é mi imn-la zò ké tann adan koup konfédérasyon an péyi Brézil lanné pwochenn! Gwadloupéyen èvè drapo é imn fwansé, pffff!
/http%3A%2F%2Ft3.gstatic.com%2Fimages%3Fq%3Dtbn%3AANd9GcQctEdvqtv_x6a84MEuDkKE0zhHPuqQsxCRz24sKSJijwY-sVdziw)
/http%3A%2F%2Fupload.wikimedia.org%2Fwikipedia%2Ffr%2Fthumb%2Fe%2Fea%2FCAN_2012.png%2F220px-CAN_2012.png)
/http%3A%2F%2Ft3.gstatic.com%2Fimages%3Fq%3Dtbn%3AANd9GcT0bthtlQj5Zvd_3midonY3Mr2cACxKQN1Z6kjVztexC5H14VsX9g)
/http%3A%2F%2Ft3.gstatic.com%2Fimages%3Fq%3Dtbn%3AANd9GcTqy3WeLpjgscmfC-UpmzaTfz0We517yIbn6eL8WYzuR0Cnz6pl)