Eklablog
Editer l'article Suivre ce blog Administration + Créer mon blog

On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.

Sarko kolon-la

http://t3.gstatic.com/images?q=tbn:ANd9GcQ2X9RFc_6KwQsw_cCZrwvkf9vKi1bmWVG0GecoigYi1w0BrA9mYg

Sarkozy an Gwadloup, mi foto a-y!

 

Alò mèt a mannyòk a léta kolonyal fwansé vini an Gwadloup, i pasé é i di plis ki janmen i ka asiré prézans a léta èvè plis pouvwa ba sé gouvènè-la! Sa fan ri davwa sé bwabwa annou-la ka pléré penn a-yo. Yo ka pléré penn a-yo padavwa Sarkozy di yo tout konpétans yo té ni ké viré an men a gouvènè-la lè zafè ké mélé Gwadloup.

Si zò gadé byen, Sarkozy swété bon lanné ba fwansé mé i pa fè menm biten lè sété nou! Sa ki vlé di, si gwadloupyén poko konpwann, mimi-y! Gwadloupéyen, matiniké, giyané, réyinyoné, polinézyen, kanak...pa fwansé! Léta fwansé pa a kaz an-nou pas i ka kosidéré nou kon fwansé mé i a kaz an-nou pou on lentéré èstratéjik!

Lanné-lasa Sarkozy kay mété si pyé sa yo ka kriyé an lang a-yo "l'année des outre-mers". Sé on biten ki ka rantré adan on menm larèl fwansé té fè adan lélanné 30. An tan-lasa, fwansé té sanblé moun yo kolinizé adan on bik a zannimo yo kriyé "exposition coloniale".

Alò gwadloupéyen, si zò pa konpwann, zò pé'é jen konpwann ankò!

Retour à l'accueil
Partager cet article
Repost0
Pour être informé des derniers articles, inscrivez vous :
Commenter cet article
K
Eli ja di-w li ! Gwadloupéyen-la ni dé pyé-ay an kaka-la mé i ka touvé fos pou soté é kriyé... oué oué an nou ay !<br /> Zôt konpwann sé jé mésyé ?
Répondre