On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
Déterville ki ba on diksyonnè
non a-y lagé nou jédi pasé.
Avan an té pati pou vant a bèt-la an 1982, té tini on boug ki té ka vann a lakriyé jounal "France-Antilles" Lapwent. On boug yo té ka kriyé Déterville. Non a-y menm asi papyé a-y sété Denis Félicien Salyères. On boug ki té ka bout fwaz a-y chak fwa i té ké vann sé jounal-la èvè on "Mi foto a-y!". I komansé woulé adan lélanné 60 pou'y bout an 1994. Déterville sété triko a-y, pantalon a-y, kaskèt a-y é on mika an pyé a-y! Déterville sété jénès an-mwen! Lanné pasé, i jous ba non a-y ba on diksyonnè. On diksyonnè (kréyòl-fwansé) an tini a kaz an-mwen. On diksyonnè gwadloupéyen dwèt tini a kaz-a yo! Malérèzman misyé Déterville lagé nou on jou jédi a simenn-la. Déterville, moun pé ké obliyé-w!
/http%3A%2F%2Fwww.antilles-sport.com%2Fimages%2Fphotos%2Fathl%2Fsmbaim0201.jpg)
/https%3A%2F%2Fassets.over-blog.com%2Ft%2Fcedistic%2Fcamera.png)
/http%3A%2F%2Ft2.gstatic.com%2Fimages%3Fq%3Dtbn%3AANd9GcTjG5F3LWA8-O9GQ6qsKd1EskD5tHH51EGIg789vcsKQIqlPZ8%26t%3D1%26h%3D170%26w%3D218%26usg%3D__1qjTQjPKziY4nWQjie4mx_OcLzA%3D)
/http%3A%2F%2Ft2.gstatic.com%2Fimages%3Fq%3Dtbn%3AANd9GcQmstG5-9FlZzU1ofhT5hmBNRQSI4mjmmx2ctUQV51sxXK7jWqZ)