On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
Si pétwòl-la èspwatab, mi la fwansé pé ké foukan!
An midi-la an ka tann adan radyo a-yo yo touvé pétwòl an Fwans. Ah bon? An di an kè an-mwen :"Tanmyé ba yo". Mé sé aprè lè jounalis-la di pétwòl-la yo touvé la sé an Giyàn, an di :"Mi la fwansé pé ké sòti la!". Pou lèmoman yo ka chèché sav si pétwòl-lasa èspwatab mé yo òptimis!
Sé sa an toujou pansé! Si fwansé pa ka sòti on koté, a pa pas yo enmé nèg-la mé plito pou sa'y ni! An toujou pansé osi fwansé é bannélo éwopéyen a-yo ka fouyé pou vwè si yo ka touvé pétwòl andidan Karayib-la. Alò si yo fè-y pou Lagiyàn, asiré pa pétèt yo ja fè menm biten Gwadloup é Matnik. E an ka di zòt on biten, an senten Gwadloup, tini pétwòl oben gaz natirèl, pétèt menm lédé mé ou two fon an lanmè-la pou yo pé sav pwan-y. Osinon, pouki biten fwansé poko jen sòti an péyi an-nou?