On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
Touléjou lè ou ka pasé anlè pon oben ankò anba pon an péyi Gwadloup, ou ka vwè jandam sanblé la. Poukisa? Pou pwotéjé byen a béké é éwopéyen an péyi-la! Padavwa LKP déklaré i ké fè on gériya sosyal! Lòtjou, gwadloupéyen té an pwoblèm èvè tout pakèt a dlo-la ki té tonbé, nou pa jen vwè yo pou pòté moun soukou. Zò ka tou konpwann, machandiz a sé mésyé pli fondal ki vi a nèg an péyi-la! Sé ponpyé gwadloupéyen (SDIS) ki pòté pèp-la soukou. Sa ka byen pwouvé nou pou sa ki poko konpwann, sé blan-la isidan pou sové bannélo a-yo é byen a-yo, yo pa la pou sové nèg! Gwadloup sé on koloni, nou pé ké jen las répété sa! Alò i ja lè pou nou fouté sé kalté chyen pwofitan-lasa déwò é nou pwan péyi an-nou ki tan-nou!
/http%3A%2F%2Fwww.antilles-sport.com%2Fimages%2Fphotos%2Fathl%2Fsmbaim0201.jpg)
/http%3A%2F%2Fupload.wikimedia.org%2Fwikipedia%2Ffr%2Fthumb%2Ff%2Ffc%2FCAN_2012.jpg%2F220px-CAN_2012.jpg)
/http%3A%2F%2Ft2.gstatic.com%2Fimages%3Fq%3Dtbn%3AANd9GcQmstG5-9FlZzU1ofhT5hmBNRQSI4mjmmx2ctUQV51sxXK7jWqZ)
/http%3A%2F%2Ft2.gstatic.com%2Fimages%3Fq%3Dtbn%3AANd9GcRdSuaGR8PmU7h4MmEPJonxreDmwoMOYsHeg6SOGmbVqCrlbkd-eQ)