-
Plas a-y, sé déwò!!!
Pwokiré a léta Philadelphia déklaré i pé ké voyé Mumia Abu Jamal adan chimen a lanmò mé konm i senten i kyouyé manblo blan-la on jou 9 désanm 1981, i dwèt rété tout vi a-y adan lajòl-la. Mi sa on pwokirè rasis déklaré douvan toutmoun!
E moun ka di sé on viktwa pas yo pé ké kyouyé misyé Mumia mé pou mwen si'y ka rété adan lajòl a-yo, a pa on viktwa total!
Ki prèv yo ni i kyouyé manblo-lasa? Ki prèv matéryèl? Pa ni pon prèv matéryèl! Mumia pa jen avwé i kyouyé misyé!
Yo ka kontinyé fè péyé Mumia tout kalté tribilasyon pas i té sipòté a "The Black Panthers". Li ki té osi jounalis a on radyo Philadelphia menm.
Alò sé pou sa an ka di, plas a Mumia Abu Jamal sé déwò!!!
Tags : mumia, kyouye, adan, pou, prev
-
Commentaires
Nou asi menm longè dond-la menm ! Mumia ki kay pasé tout vi-ay an pwizon a-yo, an pa touvé ditou sé on viktwa. Ni on pakèt moun si "facebook" a yo-la ka bay lavwa, mé mwen an di on nonm ki lajòl é pa sèten sòti yenki pyé-ay douvan, simé yo té pwan vi-ay pa enjèksyon. Bon, kon yo ka di, "tant qui a de la vie, il y a de l' espoir"!...mé i toupiti !