-
Bon fèt misyé Pèlé!
Jou 23 òktòb 1940 an péyi Brézil té ka parèt pli gwan foutbalè latè poko chayé Edson Arantes Do Nascimento yo té kriyé osi "Pèlé". On boug ki tini on palmarè gwan kon paj a on jounal, on boug ki maké plis ki 1000 bi adan vi a foutbalè a-y. On jwè ki vin èvè ékip nasyonal Brézil chanpyon di mond 3 fwa! Sé'y ki ni rèkò-la. Prèmyé-la, i gannyé-y i té tini 17 lanné é kèk mwa, dènyé-la i gannyé i té kay ni 30 lanné. Pèlé sé yonn adan sé jwè-la ki diré pli lontan!
Pèlé sé osi pli gwan fent moun ja vwè adan on match foutbòl. Mimi-y :
On fent Pèlé fè douvan Lirigwèy an dèmifinal a koud di mond 1970. Si zò byen kouté komantatè-la, i ka di : "What a genious!". An ka kwè, an pa bizwen mofwazé-y ba zòt!
Tags : pele, pli, foutbol, gwan, adan
-
Commentaires
Domaj i pa té maké jou-lasa é magré i pa té fè bi-a-y nou sav ka fent-lasa divini
Ankô jôdijou yo ka palé dè-y