ADN pou sendikalis? AWA!

Dèpi kèk tan léta kolonyal fwansé touvé on biten ww pou mofwazé sendikalis an kriminèl. Zafè a ADN-la! An ka kwè zò sav ka sa yé sa on ADN! Alò an toujou apwann ADN sété an bouch a manjè-timoun* yo té ka pwan sa! Boug kon minis a lakilti fwansé pa èkzanp té pé bay ADN a-y padavwa sé enki sa i ka fè, manjé jenn gason lè'y kay adan sé péyi azyatik-la. Mé zò ka tou konpwann gwo dosyé kon politisyen oben patron volè, pa kèsyon yo fè yo kriminèl. Pa kont sendikalis, wi! Fwansé komansé èvè sé kòs-la. Sé kòs-la rèfizé ba ADN a-yo! Apré yo kontinyé èvè gwadloupéyen. Gwadloupéyen réponn menm biten! Tou sé kalté fichaz-lasa sé pou fè moun pè, pou moun pa jen lévé gawoulé ankò. Sé sa yo konpwann mé yo pèd fil a-yo!

* On manjè-timoun, sé on moun ki pa touvé pon dòt biten ki wouvè bonda a jenn gason é jenn tifi. Ewopéyen sé èspésyalis an larèl-lasa! Yo ka fè vis a-yo an Afwik, an Azi, an Amérik é menm a kaz a-yo an Ewòp,  plito koté moun an mizè!