-
Moun ka voyé labou asi prézidan a kongré a Kanaky-Nouvèl- Kalédoni misyé Roch Wamytan pas i té ay vwè prézidan a péyi Fidji an péyi a-y. Misyé Harold Martin prézidan a gouvèlman a Kanaky- Nouvèl-Kalédoni ni rézon a-y lè i ka di péyi Kanaky an péyi Fidji, sa ka rantré adan konpétans ww a péyi-la. Kopérasyon réjyonal, diplomasi réjyonal, Kanaky ni tout plas a-y adan. Sé kon sidiré misyé Jacques Gillot té ké ay vwè Raoul Castro Kiba. Moun té ké wouklé mé sa ka rantré adan konpétans a péyi Gwadloup. An plis di sa, misyé Harold Martin déklaré Roch Wamytan vin an péyi-lasa pou fè prézidan fidjyen-la chanjé mannyè a-y é rantré adan ladémokrasi. E piplis, fò pa pèp Fidji pwan gaz adan sa. Zò ké kouté tou sa adan vidéo-la an mété ba zòt la.
votre commentaire -
24
Kanmarad, ban ba zòt mak a on match ki fèt : 24-0!!! Sété on match annbòl? Awa, on match foutbòl ki fèt dimanch Lafwik di Sid. Sé vré adan chanpyona a péyi a Mandela, Sundown krazé, watibwazé, pliché Powerlines ki ka mal pòté non a-y 24 bi a 0. (10-0 a lamitan). Pou lèmoman sé rèkò a lanné-la.
Mé kanmarad a pa rèkò di mond-la davwa rèkò-la fèt pannan on match an Ekòs. Albroth té gannyé... 36-0 douvan Bon Acord. Sa ka fè nanni nannan davwa sété an 1885.
Rèkò di mond-la pou on match entènasyonal fèt antrè Lòstrali é Samoa Amérikenn. Adan éliminatwa pou lakoup di mond 2002 zòn Loséyani, Lòstrali té pété Samoa Amérikenn 31 bi a 0!
24 bi, swa 1 bi tou lé 3 minit é kèk. Gadé sa é kouté bèl mizik-la ki kay èvè-y la!
2 commentaires -
Woulo ba misyé Eddy Boulate ki byen rèprézanté nasyon Gwadloup adan sèmimaraton-la Paris. I bout sé 21,10km-la an 29èm pozisyon asi 24 990 kourè klasé adan on tan dè 1h 09 mn 45s.
Sala ki gannyé kous-la, sé on kenyan. Non a-y Stanley Biwot. I bout kous-la adan on tan dè 59mn 44s (i bat rèkò a sèmimaraton-la). Dayè sé twa kényan ki fè podyòm a kous-la.
votre commentaire -
Pannan patriyòt a FPAC* kay fasadé èvè pèp Gwadloup adan diféran latilyé pou éséyé bokanté èstati politik a péyi-la plas, an kay ba zòt vwè on vidéo ola misyé Charles Pidjot on endépandantis kanak a "l'Union Calédonienne" ka fasadé èvè jenn a péyi Kanaky adan on émisyon télé. Sété an lanné 2010. Kouté sa!
* "Forces Patriotiques Anti-capiatalistes et anti Colonialistes" ka lyanné UPLG, FKNG, COPAGUA, CIPPA, PCG.
Charles Pidjot
votre commentaire