-
Mi èvè sa yo ka kyouyé ti-moun
adan dòt péyi!
Yè swa an ka konstaté andidan télévizyon-la, yo désidé fè ti-moun Gwadloup chanté adan défilé a 14 juiyé a fwansé! Mésyé, sa pa posib! Ki tan nou ké konpwann nou gwadloupéyen, nou pa dwèt rantré adan sé kalté biten-lasa? Lafwans dwèt sèl péyi asi latè ka fété on fèt nasyonal èvè on défile a militè. Gwadloupéyen, ès zò sav sé èvè zarm zò ka vwè an défilé-la ka sèvi pou kyouyé sivil aka dòt péyi?
Si fwansé vlé kontinyé fè défilé militè a-yo, sé pwoblèm a-yo mé nou gwadloupéyen, annou pa rantré adan sé kalté maji-lasa!
2 commentaires -
"Pon disou pa pèd. Annou kontinyé nouri lalit pou déchouké tout pwofitasyon!".
Sa sé pawòl kanmarad Eli Domota mété douvan adan jounal a Biwo Etid Ouvriyé (BEO) ki parèt mwa pasé. Wi pon disou pa pèd!
Déotwa biten zò pé touvé adan jounal a BEO
Magazen ki chanpyon adan marchandiz yo woté adan yo
1. Géant Casino Bas-du-Fort 31,55%
2. Ecomax Petit-Pérou 28,99%
3. Boisripeaux Service 28,15%
4. Carrefourt Destreland 28,05%
Magazen ki chanpyon adan wosé pri a marchandiz adan on lanné
1. Boisripeaux Services +13,67%
2. Super U Grand Camp + 11,92%
3. Géant Casino + 11,83%
On jounal BEO zò pé pwokiré-zòt pou 1 éwo! Zò pé bay plis pou zò pòté fòs ba BEO-la.
1 commentaire -
9 juiyé 2011, on 193èm nasyon ka vini endépandan. Wi, an mwa janvyé pasé la, pèp a Sid-Soudan té voté an mas pou lendépandans a péyi a-y. Dèpi sanmdi, yo vin séparé èvè vwazen a-yo adan lènò.
Sid-Soudan sèlon konstitisyon a-y ka chèché on nouvo non. Moun ka pwopozé Nouvo Soudan, Répiblik di Nil, Ekwatori, Kouch oben ankò Djouwama.
Sid-Soudan ni on majorité moun krétyen alò kè rèstan a Lèsoudan mizilman.
Mé an ka mandé-mwen : ka'y dèyè lendépandans a péyi Sid-Soudan? Ka sa ka kaché?
Nou sav péyi Etazini soutyenn lendépandans a péyi-la é sitou nou sav Sid-Soudan chajé èvè pétròl. E wi, moun pa ka soutyenn si moun pa tini on lidé dèyè tèt a-y.
Moun ka di pétròl ké vin dè plizanpli ra! Alò moun ka pòté mannèv pou èché pétròl dòt koté.
On kèsyon! Ès pèp-la ké pé bénéfisyé anlè tout richès moun ké rékòlté?
Sid-Soudan kay rantré LONI. An nou révé péyi Gwadloup ka vini 194èm-la!
5 commentaires -
Mouvman kiltirèl "Mas a Wobè" kay bay on léwòz owa bik a-y Fouyòl oswè-la owa sétè. Tout moun Gwadloup envité!
E an menm balan-la, gwoka "Fèstival" Sentann ka démaré dèmen sanmdi pou'y bout jou 14 juiyé.
Félix Cotellon èvè asosyasyon "Rèpriz" ola i prézidan ni lentansyon pòté gwoka-la linèsko pou fè mizik an-nou vin on "patrimoine immatériel de l"humanité" kon yo ka di an fwansé.
1 commentaire -
3èm étap : 148èm
4èm étap : 156èm
Klasman jénéral-la : 133èm èvè 7'37 dèyè prèmyé-la.
votre commentaire