Final-la

25/05/11 : Mèksik - Etazini 4-2 

Yo ka simé kaméra tout koté Lapwent é poutan moun ka mò an lari! Tini dé mwa dè sa an plen lari Frébault, on jenn té ka kyouyé on dòt jenn. Yè nou ka apwann on jenn kyouyé on dòt jenn lari José Marti anfas a on pòs a manblo.

Kon di kanmarad Eli Domota, yo mété  kaméra pou véyé moun ka rantré é sòti an bik a LKP oben ankò a kaz a LiGTG.

22/06/11 : Etazini - Panama 1-0

                Mèksik - Ondiras 2-0 apré pwolongasyon

Jòd-la adan jounal a Janklòd asi RTB, misyé Alain Plaisir ka ban nou lèsplikasyon asi rézilta a aksyon "Biwo Etid Ouvriyé-la" (BEO) fè sé dènyé jou-la é sitou i ka byen èspliké nou an ki jan sistenm départèmantal-la rivé obout an péyi Gwadloup.

Si zò raté jounal-la bomaten-la, yo ké woubay li an midi-la é oswè-la.

Kouté pou tann, tann pou zò pé sav konpwann!

LiGTG ka soutyenn pandan a-y LiSTKE padavwa santral sendikal kanak-la ka ratré jòd-la adan on grèv jénéral an péyi Kanaky. LiSTKE ka mandé yo rèspèté akò a "Matignon"-la ola yo té ka di fò yo té rézèvé travay ba sé kanak-la an larèl a sèktè piblik é privé. On lwa ki té voté pa gouvèlman a péyi Kanaky jou 27 juiyé 2010. LiSTKE ka mandé yo mété asi pyé on véritab plan a fòmasyon ba jenn é kad kanak.

Mèt a mannyòk a sendika LiGTG misyé Eli Domota  ka lévé gawoulé kont tout kalté diskriminasyon é rasizm kont travayè é ti-moun ki adan pwòp péyi a-yo.