On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
Boutèy gaz-la, zò ké péyé-y
plis ki 23 éwo!
Apré Ben Ali an Tinizi, tansyon pou ti-Lirèl-la pa foukan alakous. Ti-misyé-lasa ka fè sinéma a-y pou di i pa dakò èvè òkmantasyon a pri a ésans. Vou ti-misyé Lirèl, ou an konplosité èvè gouvènè a léta kolonyal fwansé, ou toujou kraché asi mouvman LKP é ou ka fè sinéma a-w? Arété!
Pou sa ki pa toko konpwann, mi sé pwofitan-la woumèt anwout! Boutèy gaz-la, nou ké péyé-y 23 éwo kon avan, kant a ésans-la, pa menm palé!
Gwadloupéyen woukomansé pléré penn a-yo! Zò ka pléré penn a-zòt mé zò rékòlté sa zò simé!
Déotwa gwadloupéyen ki poko konpwann woufouté Lirèl la lanné pasé, mi foto a-y!
Déotwa gwadloupéyen té ka di LKP ka fè moun chyé, mi foto a-y!
Zò vlé pa jwenn on mouvman kont pwofitasyon, zò ka woumété politisyen bwabwa an péyi-la, alò sé pwofitan-la oblijé woumèt anwout!
/https%3A%2F%2Fassets.over-blog.com%2Ft%2Fcedistic%2Fcamera.png)
/http%3A%2F%2Ft1.gstatic.com%2Fimages%3Fq%3Dtbn%3AANd9GcSDWowq-CIhucxh5huIOslZw2qjH8AE52-OqQIbzeErnP3DbS1Z8g)
/http%3A%2F%2Fwww.camerfeeling.net%2Ffr%2Fdossiers%2Fimages%2FCameroun-Plantation-Bananes-3.jpg)
/http%3A%2F%2Ft3.gstatic.com%2Fimages%3Fq%3Dtbn%3AANd9GcSCeY9cNZPpQQUNfEQtEJwnWkZ3UQFfHKorvMTMygFYHXE1krvx)