On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
Kontinyé voyé pak
a dlo ba moun Bouyant!
Bomaten an ay lamityalité Lapwent otila an vwè èvè onlo plézi gwadloupéyen pòté kon mwenmenm dlo ba moun Bouyant. Davwa fò zò sav komin Bouyant pa tini bon dlo dèpi mové tan-la té fèt an péyi-la. Fò yo pòté réparasyon adan sé twiyo-la pou réglé pwoblèm-la mé sé on biten ké pwan tan. Alò pou nou atann, LKP envité pèp Gwadloup pòté solidarité ba moun Bouyant é sitou ba sé timoun-la. E sé kon sa dèpi bomaten-la é osi pou lendi aprémidi, gwadloupéyen ka chayé pak a dlo an bik-la Lapwent.
On bèl woulo ban nou pèp Gwadloup!
/https%3A%2F%2Fassets.over-blog.com%2Ft%2Fcedistic%2Fcamera.png)
/http%3A%2F%2Fnews.google.gp%2Fnews%2Ftbn%2FkUTfIzIU_P4J%2F6.jpg)
/http%3A%2F%2Ft3.gstatic.com%2Fimages%3Fq%3Dtbn%3AANd9GcTd6QZMmGsgboZiSa1jmJdXZVa9nYK1Kkyj1kwklEOuqZAhUVX4)
/http%3A%2F%2Ft1.gstatic.com%2Fimages%3Fq%3Dtbn%3AANd9GcQ6coKRwj4P_SbVV1kDm__8N6avq22_2SqCGDadZx4Phfiu71hbDA)