On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
9 juiyé 2011, on 193èm nasyon ka vini endépandan. Wi, an mwa janvyé pasé la, pèp a Sid-Soudan té voté an mas pou lendépandans a péyi a-y. Dèpi sanmdi, yo vin séparé èvè vwazen a-yo adan lènò.
Sid-Soudan sèlon konstitisyon a-y ka chèché on nouvo non. Moun ka pwopozé Nouvo Soudan, Répiblik di Nil, Ekwatori, Kouch oben ankò Djouwama.
Sid-Soudan ni on majorité moun krétyen alò kè rèstan a Lèsoudan mizilman.
Mé an ka mandé-mwen : ka'y dèyè lendépandans a péyi Sid-Soudan? Ka sa ka kaché?
Nou sav péyi Etazini soutyenn lendépandans a péyi-la é sitou nou sav Sid-Soudan chajé èvè pétròl. E wi, moun pa ka soutyenn si moun pa tini on lidé dèyè tèt a-y.
Moun ka di pétròl ké vin dè plizanpli ra! Alò moun ka pòté mannèv pou èché pétròl dòt koté.
On kèsyon! Ès pèp-la ké pé bénéfisyé anlè tout richès moun ké rékòlté?
Sid-Soudan kay rantré LONI. An nou révé péyi Gwadloup ka vini 194èm-la!
/http%3A%2F%2Ft2.gstatic.com%2Fimages%3Fq%3Dtbn%3AANd9GcQmstG5-9FlZzU1ofhT5hmBNRQSI4mjmmx2ctUQV51sxXK7jWqZ)
/http%3A%2F%2Ft3.gstatic.com%2Fimages%3Fq%3Dtbn%3AANd9GcQmWh3FdLKuOWuBciiXpRGNfrVT661H6pwhxUjE8LEeXCQRr1p3)
/http%3A%2F%2Ft1.gstatic.com%2Fimages%3Fq%3Dtbn%3AANd9GcRr7znh3Arrsum-WBbmkC-HiyG5ZUGy8F_Ccn7HWypKJEYBrj0B)
/http%3A%2F%2Ft1.gstatic.com%2Fimages%3Fq%3Dtbn%3AANd9GcQ5nYLFd4M1QjuAG3YtvrN07sSMHKWEolywX0KAq3C5X2CAYuV3)