Sa moun ka di anba fèy

On misyé té ka distribiyé trak "Lutte Ouvrière" an sanm an di-w an sé on konpatriyòt gwadloup i di ahhhh le LKP..."c'est bien ce que vous avez fait, peut être pas assez", an fè-y konprann LKP pa on mòd NOU okonba pli ki janmé ! An trapé on madanm ki félisité nou dé mouvman-la osi dé 44 jou mé té dési davwa mari a-y ki té adan on défilé pou "la retraite a 60 ans" vwè sèten sit Gwadloup bloké foto a-y ki té voyé ba yo ! PS : Menm CCN ni on paj si facebook alè!

Yè é jòdi-la an rivé trapé détwoa témwanaj pa fanm-fwansé si facebook menm ki ka touvé yo an koup avè "antiyè". Prèmyé madanm-la di mwen i wont dè konsidéré-y kon sitoyen fwansé pousa ti-moun a-y métis ka viv an lakou lékòl, padavwa po ayo pa blan.<br /> Dézyèm-la aprézan di mwen li ki angajé-y avè CGT adan lè nò. Kè sé moun-la "dupe" onpil davwa yo ka pléré touléjou mé lè jou liyannaj rivé, yo pa ka vwè pèsonn ! poutan sé pou défann kòz ayo !!!<br /> Ta bonmaten-la rété i di mwen : nonm a-w ka "courber l'échine" é misyé ka asèpté kolèg a-y kriyé-y : "blacnhe-neige". I ja las di misyé wouvè zyé a-y sé pa on bon èkzanp pou ti-moun ayo.<br /> Ni yonn ki mandé mwen poukwa mwen osi anrajé kont léta fwansé ? kè apa tout fwansé ki kolon, pouki an ka plenn mwen, ankò éré an vivan, pa ritouné an aryè ...blablabla...krakrakra...(alè an ka mandé rèvandikasyon)ou ja konèt kanmarad ! an di-y an pa ni pon pwoblèm avè pèp fwansé davwa sé on pèp ki an zafè a-y pa kont gouvèlman a zòt ka fè nou bwè dlo mousach pou lèt é sa dépi on bèl moman...é nou pé pa rété konsa ! antan kè militan ki okonba an ni lè dèvwa enfòwmé konpatriyòt an mwen kit a répété lé anons si fo, pas an pa vlé brèbi égaré. Sé konsa an désidé méné konba pou konsyantizé konpatwiyòt adan gèspowa-la.<br /> Ps : an zanmi avè Frantz succab si facebook...