On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
Fò nou manjé sa ki tan-nou!
Jòdi-jou moun ka pléré padavwa ka manké fwi é légim adan sé magazen-la. Pou ki biten? Sé padavwa sé dokè-la an Fwans ka fè on grèv. Ki jan? Nou pa tini fwi é légim ka pousé an péyi Gwadloup? Gwadloupéyen, nou pwan twòp mové labitid! Nou pwan labitid ay manjé sa ki sòti déwò é nou ka rèfizé manjé tan-nou! Patriyòt Gwadloup toujou di fò nou gadé tè pou nou planté manjé! Alò si on jou bato é avyon pa ka débaké Gwadloup, sé masòn-la nou ké manjé?