Fwansé ja fè ka!

Justin Catayé (Giyàn)                   Albert Béville (Paul Niger) (Gwadloup)

(1916-1962)                                (1915-1962)

Dé gwan nonm ki té kay rèdrésé péyi a-yo!

Mé léta fwansé pa té vlé!

Aprédavwa Laljéri é dòt péyi afwiken té sòti anba gyouk a léta fwansé, Gwadloup, Matinik, Giyàn, asiré pa pétèt, té kay pwan menm chimen a dékolonizasyon-la adan lélanné 60. Dé gwan nonm Justin Catayé a Lagiyàn é Albert Béville yo té ka kriyé osi Paul Niger ki li té gwadloupéyen, té militan pou lotonomi a Gwadloup, Matinik é Giyàn. Yo toulédé té sòti an Fwans pou yo rèdrésé péyi a-yo. E sé sa fwansé pa té vlé la! Léta fwansé pa té vlé pèd sa té ka rété-y konm koloni asi latè. E sé pou sa fwansé monté on konplo pou yo té fè avyon-la ki té ka chayé Justin Catayé é Albert Béville tonbé. Wi, on jou 22 jen 1962, léta kolonyal fwansé té désidé jété avyon-la asi mòn Piton an komin Déhé. Pou sa, i té désidé kyouyé 113 moun adan avyon-lasa!

Aaah, fwansé, zò ja fè ka!