On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
Si adan CARIFTA an atlétizm nou lwen dèyè Jamayik, an natasyon sé plito lèkontrè. Wi, nou pé bat fal an-nou padavwa ékip nasyonal Gwadloup krazé CARIFTA-la an péyi Bahamas. Jenn an-nou trapé...65 méday léfwè!!! On rèkò! Nou ralé 25 an lò, 19 an awjan é 19 an bwonz.
Èvè 821,50 pwen, Gwadloup ka dèvansé Bahamas 657 pwen é Trinidad and Tobago 648 pwen.
Mé ankò on fwa kon pou atlétizm-la é dòt èspò ankò, Gwadloup pé pa ay pli lwen pas si on jenn vlé fè chanpyona di mond oben jé olenpik, i oblijé pasé pa Lafwans. Wi, i ja lè pou chanjé sitiyasyon-lasa!
Pwochen édisyon-la ké fèt lanné pwochenn an péyi Jamayik.
/https%3A%2F%2Fassets.over-blog.com%2Ft%2Fcedistic%2Fcamera.png)
/http%3A%2F%2Ft1.gstatic.com%2Fimages%3Fq%3Dtbn%3AANd9GcQM83WlD6--lsn9AV77_fLbql72gxqpRb_SXK6yVG96UN1VLn5n)
/http%3A%2F%2Fwww.atout-guadeloupe.com%2Fphoto%2Fart%2Fdefault%2F1166972-1505606.jpg%3Fv%3D1289473319)
/http%3A%2F%2Fwww.97blogs.com%2Fuploads%2Fscreen2%2F08705280012713820322.jpg)