Eklablog
Editer l'article Suivre ce blog Administration + Créer mon blog

On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.

Ki moun ka menné adan gouvèlman fwansé? Minis oben sé béké-la?

http://t2.gstatic.com/images?q=tbn:ANd9GcQbr2T2awN4bfffQGIv_nTLFvlrnus_z5HWyS_cQSIBRK4KYy-AFgJòd-la, moun ka apwann minis a lagrikilti an Fwans ka otorizé yo voyé pwazon anlè plantasyon pòyò adan dènyé koloni a fwansé. Zò byen li-y, pwazon. Padavwa an pé pa konpwann apré sa ki rivé èvè klòdékòn-la, moun ka kontinyé woufouté pèstisid an pòyò. E ki moun ki dèyè sa? Toujou lémenm, sé béké-la! Labann a De Lucy, Hayot é bannélo a-yo! Politisyen Matnik é Gwadloup pé pa fè ayen! Gouvèlman fwansé nonplis! Alò an ka mandé mwen : Ki moun ka menné adan gouvèlman fwansé? Minis oben sé béké-la? Répons-la ja touvé! Sé sé béké-la! Lè sé moun-lasa pé pèwmèt-yo rantré Lélizé kon adan on moulen, sa vlé di tout biten!

E yo vlé fè nou kwè sé enki pou si mwa yo ka otorizé épandaj-lasa? Lè si mwa-la ké bout, an ka di zòt yo ké woubay lotorizasyon  pou si mwa ankò. An ja vwè moun pa ka kasé tèt a-yo pou yo touvé on dòt mannyè pou kyouyé ti-bèt an pòyò!

 

Sé mésyé sé vrèman on bann kriminèl!

Retour à l'accueil
Partager cet article
Repost0
Pour être informé des derniers articles, inscrivez vous :
Commenter cet article
A
Sé biten-lasa ka fè nou sonjé bizarman jou yo anpwazoné nou avè klòwdékòn. Toujou pou présèvé entéré a pwofitan, léta fwansé pa ka ézité a ba yo otowizasyon si otowizasyon pou anpwazoné nou. 
Répondre