On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
Asimilasyon-la poko bout chimen a-y
an péyi Gwada!
Kon té ké di-y lèwa "Koupé Kloué" : "Sa rèd, sa rèd, sa rèd!". Yè swa an tann asi on radyo a léta kolonyal fwansé, "RFO" pou pa nonmé-y, dé jounalis. Yonn nèg é lòt-la blan! Yo té ka palé baskèt an péyi Gwadloup! E dèviné sa yonn di andidan radyo-la? Pou'y pé sav palé asi mwa Mas é Avril a lanné pwochenn adan péyi an-nou Gwadloup, misyé sòti on mo é an ké ba zòt li an fwansé : "PRINTEMPS". Alèliké, tini "printemps, été, automne, hiver" an péyi Gwada mésyé! E ki moun zò kwè ki sòti mo-lasa an gèl a-y? Nèg-la!
Wè, kon di "Koupé" : "Sa rèd, sa rèd, sa rèd!".
/http%3A%2F%2Ft1.gstatic.com%2Fimages%3Fq%3Dtbn%3AANd9GcQM83WlD6--lsn9AV77_fLbql72gxqpRb_SXK6yVG96UN1VLn5n)
/http%3A%2F%2Ft3.gstatic.com%2Fimages%3Fq%3Dtbn%3AANd9GcRPzNm4NwSR-8eboTrtGGS_D9Wm3N0hK6liU328ZoaEDYcc1leabA)
/http%3A%2F%2Fwww.lnc.nc%2Fmedia%2Fimagecache%2Farticle-taille-normale%2Fqps%2F2012%2F08%2F01%2FKANAKY3.jpg)
/http%3A%2F%2Ft3.gstatic.com%2Fimages%3Fq%3Dtbn%3AANd9GcQmWh3FdLKuOWuBciiXpRGNfrVT661H6pwhxUjE8LEeXCQRr1p3)