Pou nou mété-y an dosyé-la

Mésyé an tini on kèssyon pou nou débat , ès zòt pé ban mwen avi a zòt si-y !<br /> An pli zoumwen dakò pou nou rantré andidan politik-la pou nou tiré pyé annou an vyé soulyé é an menm balan-la kontwui gwadloup dèmen pou pitit a pitit annou. kanmarad-la Eli pa dakò ditou. Mé nou sav lè myé ka rété émansipé pèp annou ! Pa brilé lé étap, pasé pa lotonomi avan. Asiré pa pétèt, avè trè pé patriyòt é on pèp enkonsyan, ès nou ké pé validé pwojé annou dèyè lizolwa ? Nou sav mésyé ka sa ka bay adan péyi ki swadizan souvèren an afrik...pli mové ankò si nou ni pétwòl ouben gaz ouben lé dé anba lanmè annou ! kolonyalis-la pa kay lagé nou menm !!!<br /> Mwen enkyèt kon takèt ! Travay dèyè pòkò menm touché mésyé, pou fè pèp annou pwan konsyans, évité yo rété zonbifyé ! Yo ka fè nou pè épi " zòt vlé vin kon ayiti"... <br />  

E sé sa yo ka kryé démokrasi... Lè manblo ka fè "les choses sereinement", kon préfé la di yo fè : réprésyon, on ti moun ki pèd zié ay é on mò. léta ka di a pa flashbòl la ki tchoué missié la, sé pas i bigidi é kanmarad  ay bay massaj kardiak. Ka fwansé ka fè jous la : mi on liv ké ba zot on répons : "comores-mayotte : une histoire néocoloniale" de pierre caminade isbn 978-2-7489-0133-7. Pèp mayotte ja di yo ka rété doubout an lari la, é avè internet yo ni la pawol é tout moun pé vrè jen la fwans ka roulé an koloni ay. 

Ou pé di sa kanmarad, avè tout pakèt kaméra ki alantou, manblo a yo pé ké tchoué moun kon yo vlé ! Nou ka sonjé byen tout krim yo fè pasé sou silans...la klan a mafya-la pa ni répons, yo ka voyé manblo tiré flachbòl...