Panama, Kanada é Etazini ba sé ti-boug Gwada-la

Mi rézilta a tiraj osò laCONCACAF fè New-York pou gwan chanpyona a-y Gold Cup-la ki kay jwé an mwa jen-la an péyi Etazini. On tounwa ola ékip nasyonal Gwadloup ké a lendikatif prézan. Sé ké twazyèm vini a-y apré ta 2007 ola i té ay an dèmifinal é apré ta 2009 ola i té rivé enki an kadèfinal. Lanné-lasa sé ti-boug Gwada-la kay férayé rèd èvè Panama, Kanada é Etazini péyi òganizatè-la.

Pou plis kamo asi Gold Cup-la, lyanné-zòt aka "Boul an Karayib-la" asi caribbeanfoot.overblog.com

Tiraj osò a Gold Cup a CONCACAF 2011-la

Gwoup A                     Gwoup B                       Gwoup C

Mèksik                        Ondiras                         Etazini

Salvadò                      Gwatémala                    Kanada

Kiba                           Grènad                          Panama                    

Kòstarika                    Jamayik                         Gwadloup

Gold Cup a CONCACAF-la ké démaré èvè Kòstarika - Kiba dimanch 5 jen é final-la ké jwé sanmdi 25 jen an vil Los Angeles.