On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
Kanmarad, zò ja konnèt mwen, Shaka pa jen ka dòmi! E sé kon sa an voyé on démo-maké asi bik entèwnèt a CROSGUA. An di yo si nou kay adan diféran konpétisyon andidan kontinan amériken-la, zafè a drapo-la ké oblijé pozé. E wi kanmarad, nou pé pa fè lyannaj èvè vwazen an-nou é an menm balan-la pwenté èvè drapo a fwansé-la. Sé moun-la ké mal palé nou!
Kifè apré rédaksyon a sit-la réponn mwen. I di mwen CCEE (Conseil de la Culture, de l'Education et de l'Environnement) kay pòté zafè a drapo gwadloupéyen-la douvan konsèy réjyonal. I jis pwan èkzanp a Lagiyàn ki té adòpté drapo a-y. An réponn rédaksyon-la kon sa. An di pisimyé CCEE voyé dosyé-la ba konsèy jénéral padavwa nou ka touvé adan sanblé-lasa plis boug pwogrésis. E an di-y osi an péyi Giyàn, sé konsèy jénéral-la ki adòpté drapo giyanè-la.
/http%3A%2F%2Ft3.gstatic.com%2Fimages%3Fq%3Dtbn%3AANd9GcRZt9DiZxwaocDquwYQ8qPiSP4LmheZpiXVLpELyy3G1q-NBfqp)
/https%3A%2F%2Fassets.over-blog.com%2Ft%2Fcedistic%2Fcamera.png)
/http%3A%2F%2Ft3.gstatic.com%2Fimages%3Fq%3Dtbn%3AANd9GcTQcvBX2KVXqxtqX5RE1MLA-yS7AHJnFkczksoZqTYeXTo0TKh7-A)
/http%3A%2F%2Fwww.lnc.nc%2Fmedia%2Fimagecache%2Farticle-taille-normale%2Fmoindou-drapeau-NB.jpg)