Pou paré sé ékip nasyonal Gwadloup-la

An bout a simenn pasé fèt adan sal Valère Lamy Bémaho, chanpyona Gwadloup a taèkwondo. On chanpyona ki montré tèknisyen a péyi-la, ki konbatan ké rèprézanté ékip nasyonal Gwadloup adan gwan randévou entènasyonal pou lanné-lasa kon chanpyona panamériken oben chanpyona di mond. Toujou chonjé dèpi jou 30 avril 2011 Gwadloup adan fédérasyon mondyal a taèkwondo. Pou lèmoman, i sèl disiplin ki ké voyé èspòtif Gwadloup adan chanpyona di mond.

E sé kon sa chanpyona Gwadloup sèvi pou monté on ékip nasyonal sényò é jinyò ki ké ay adan chanpyona panamériken, tounwa entènasyonal é sitou chanpyona di mond jinyò an Ejipt é koup di mond pa ékip sényò an bout a lanné-la.

Klasman a sé klèb-la adan chanpyona Gwadloup-la

1. Ti-Bou ......7 méday an lò, 6 an awjan. Total : 13 méday

2. Moul ..........5 an lò, 1 an awjan. Total : 6 méday

3. Manten.......3 an lò, 4 an awjan, 4 an bwonz. Total : 11 méday

4. Zabim .......3 an awjan, 3 an bwonz. Total : 6 méday

5. Senfanswa...1 an awjan

6. Bastè...........1 an bwonz