On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
Adan prèmyé kongré a FKNG, yo mété déwò on drapo pèp-la ja ni lokazyon vwè adan déboulé a LKP an lanné 2009 é 2010-la. On drapo ki dwèt rèprézanté nasyon é pèp Gwadloup andidan é an péyi déwò.
Ka drapo-lasa ka rèprézanté pou mwen?
Koulè vè-la ka rèprézanté zayann-la an péyi Gwadloup
Koulè jòn-la ka rèprézanté solèy-la, chalè a péyi-la
Koulè wouj-la ka rèprézanté san a zansèt an-nou lagé asi tè Gwadloup.
Koulè nwè-la ka rèprézanté majorité a pèp Gwadloup
Zétwal jòn-la ka rèprézanté pèp Gwadloup ki sòti adan sé senk kontinan-la. I ka rèprézanté osi linité a pèp Gwadloup
On bèl drapo ki ka lyanné nou èvè listwa an-nou é Lafwik.
Mèsi CCN pou foto-la!
/https%3A%2F%2Fassets.over-blog.com%2Ft%2Fcedistic%2Fcamera.png)
/http%3A%2F%2Ft3.gstatic.com%2Fimages%3Fq%3Dtbn%3AANd9GcTQcvBX2KVXqxtqX5RE1MLA-yS7AHJnFkczksoZqTYeXTo0TKh7-A)
/http%3A%2F%2Ft3.gstatic.com%2Fimages%3Fq%3Dtbn%3AANd9GcRZt9DiZxwaocDquwYQ8qPiSP4LmheZpiXVLpELyy3G1q-NBfqp)
/http%3A%2F%2Fwww.lnc.nc%2Fmedia%2Fimagecache%2Farticle-taille-normale%2Fmoindou-drapeau-NB.jpg)