On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
On jenn gwadloupéyen
kay éséyé pòté méday
ba péyi a-y!
Tout moun an péyi Gwadloup ki gadé jounal télé yè swa dwèt vwè-y! Sòf si télé-la té an nwè é blan, toutmoun vwè-y byen menm! Wi mésyé, pannan déboulé-la té ka wouvè dizyèm chanpyona panamériken a surf an vil Lanzbètran an péyi Gwadloup, toutmoun dwèt vwè jenn gwadloupéyen pòté drapo a nasyon Gwadloup èvè koulè a-y...wouj, jòn é vè!
Sé jenn-la ka fè travay a sé politisyen bwabwa nou ni an péyi-la.
Mésaj-la sé, menm si nou ka rété toujou anba pat a fwansé, nou gwadloupéyen dabò!
Kon manman-mwen té di mwen lòtjou : "Sé blan-la ka montré zòt, mi drapo a-zòt!".
Zò pa'a kwè mwen? Alò gadé jounal a dimanch 13 novanm asi sit a "Guadeloupe 1ère"
/https%3A%2F%2Fassets.over-blog.com%2Ft%2Fcedistic%2Fcamera.png)
/http%3A%2F%2Ft3.gstatic.com%2Fimages%3Fq%3Dtbn%3AANd9GcTQcvBX2KVXqxtqX5RE1MLA-yS7AHJnFkczksoZqTYeXTo0TKh7-A)
/http%3A%2F%2Ft3.gstatic.com%2Fimages%3Fq%3Dtbn%3AANd9GcRZt9DiZxwaocDquwYQ8qPiSP4LmheZpiXVLpELyy3G1q-NBfqp)
/http%3A%2F%2Fwww.lnc.nc%2Fmedia%2Fimagecache%2Farticle-taille-normale%2Fmoindou-drapeau-NB.jpg)