On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
Kanaky an danjé!
Pa bizwen ay an péyi-lasa pou zò pé vwè-y mésyé! Kanaky vin on péyi a blan! Zò kay jété on zyé asi jounal a "Calédonie 1ère" pou zò vwè sa! Pou ki biten yo kriyé péyi-lasa "Nouvelle-Caldéonie"? Pas sé blan-la pwan péyi a sé kanak-la ba yo! Sé pou sa mwen Shaka Gwakafwika pé ké jen kriyé péyi-lasa "Nouvelle-Calédonie", an ké toujou kriyé-y KANAKY! Kanaky péyi a pèp kanak, sa klè kon dlo rivyè!
Adan jounal a dimanch pasé, yo montré moun ka lévé bèf an Kanaky adan on sanblé a sendika a-yo. Ka yo montré fwè é sè Gwadloup? On grenn rézen adan on bòl lèt!
Mi danjé-la pèp Gwadloup ka kouri si'y ka lésé péyi a-y ba sé moun-lasa! Kanak vin moun vini an péyi a-yo! Gwadloupéyen panga sa pa rivé nou osi!
/http%3A%2F%2Ft3.gstatic.com%2Fimages%3Fq%3Dtbn%3AANd9GcRPzNm4NwSR-8eboTrtGGS_D9Wm3N0hK6liU328ZoaEDYcc1leabA)
/https%3A%2F%2Fassets.over-blog.com%2Ft%2Fcedistic%2Fcamera.png)
/http%3A%2F%2Ft3.gstatic.com%2Fimages%3Fq%3Dtbn%3AANd9GcQxxknls7-GvbK0bYOoKn0yJN3FHwMeXGNevaETl3XaMfhv-8xA)