On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
Ka pou nou bwè é manjé? On larèl patriyòt a péyi-la ka pwan osèryé é sé kon sa yo désidé dèpi kèk tan, lyanné èvè pèp-la adan on konsèp yo kriyé vilaj KBM-LKP. On vilaj ki fè on prèmyé sanblé vandrèdi 27 avril pasé. On vilaj ola pèp Gwadloup té ka kontré èvè pwodiktè agrikòl a péyi-la. E sé kon sa pèp-la dékouvè tousa moun pé fè èvè gwozèy, jenjanm, chatengn, fouyapen, patat, moulikilen, tout jan kalté farin é tousa ka pousé an péyi-la.
Vilaj KBM-LKP kay woufasadé èvè pèp-la sanmdi ka vini la koté névèd'maten. On vilaj ki kay wousivwè osi pwodiktè Marigalant é Dézirad pas fò pa nou obliyé péyi Gwadloup sé on bann lilèt!
Wi, an déwò dè mobilizasyon, LKP adan on faz a konstwi péyi Gwadloup, fò toujou nou di pèp an-nou sa!
Pèp pa ka mandé souvrènté, i ka konstwi souvrènté!
/https%3A%2F%2Fassets.over-blog.com%2Ft%2Fcedistic%2Fcamera.png)
/http%3A%2F%2Fwww3.tainosgpe.com%2Fassets%2Fimages%2Fguadeloupe%2FZION2%2Fhelico.jpg)