On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
Roch Wamytan é Oscar Temaru kay menné péyi
a-yo asi chimen a lalibèté?
Listwa pa ka fè dèyè é an ka èspéré sé douvan i kay. Dé endépandantis pwan pwès an menm moman-la tèt a péyi a-yo an Kanaky é an Polinézi. Roch Wamytan (UC-FLNKS) pou Kanaky é Oscar Temaru (UPLD) pou Polinézi. On bèl nouvèl toubòlman! Mé an ka èspéré sé dé gwan nonm-lasa pé ké lésé fwansé pyéjé yo kon yo té pyéjé misyé Alfred Marie-Jeanne Matnik. Pawti a Marie-Jeanne (MIM) rété 12 lanné an tèt a réjyon Matnik é péyi-lasa, pa menm lotonòmi i pwan. Pétèt asi Letchimy, Matnik ké vin otonòm mé biten-lasa dwèt ké fèt an dé tan. Awtik 73-la avan é apré ta 74-la.
Èvè mésyé Wamytan é Temaru, ès Kanaky é Polinézi ké pwan chimen a lémansipasyon? Nou ké la pou nou vwè!
/http%3A%2F%2Fwww.lnc.nc%2Fmedia%2Fimagecache%2Farticle-taille-normale%2Fqps%2F2012%2F08%2F01%2FKANAKY3.jpg)
/http%3A%2F%2Fwww.lnc.nc%2Fmedia%2Fimagecache%2Farticle-taille-normale%2Fmoindou-drapeau-NB.jpg)
/http%3A%2F%2Fwww3.tainosgpe.com%2Fassets%2Fimages%2Fguadeloupe%2FZION2%2Fhelico.jpg)
/http%3A%2F%2Fmycrazystuff.com%2F3610-thickbox%2Ffausse-merde-crotte.jpg)